Мухаммедкалый Абылгазиев "Манас" эл аралык аэропортундагы коронавирусту текшерүү процесси менен таанышты

Кыргыз Республикасынын премьер-министри Мухаммедкалый Абылгазиев башка өлкөлөрдөн келген жүргүнчүлөрдү текшерүү процесси менен таанышуу максатында «Манас» эл аралык аэропортуна барды. Бул тууралуу өкмөттүн басма сөз кызматынан билдиришти.

«Аэропортто иштеген медицина кызматкерлеринин жана чиновниктердин милдети - өлкөгө коронавирустун киришинин жана жайылышын алдын алуу болуп саналат. Биз жерибизге келген ар бир адамды текшерүүгө тийишпиз. Ал тургай, дене табынын жогору болушун гана эмес, тигил же бул жүргүнчү келгенге чейин кайсы өлкөдө болгонун да текшерүү керек. Муну жалпы жарандык паспорт боюнча текшерүү оңой. Вирус бар деп шектелгендердин баарын изоляциялоо зарыл», - деди Мухаммедкалый Абылгазиев.

Өкмөт башчы Түркиядан келген жүргүнчүлөрдү текшерүүгө катышты. Учакта 150 жүргүнчү болгон, бул каттам менен келгендердин арасынан кооптуу вирус аныкталган жок. Андан соң Мухаммедкалый Абылгазиев убактылуу обсервация жайына барды. Учурда ал жакта эпидемиологиялык абалы жакшы эмес ар кыл өлкөлөрдөн келген 122 адам бар. Алар текшерүүдөн өтүп, 14 күндүк карантинге алынган. Ошондон кийин гана алар өлкөгө өткөрүлөт. «Мында алар коомго толук аралаштырылбаганы көрүнүп турат, аларга медициналык кызматкерлер гана киргизилет. Бардык анализдерди дыкат жүргүзүп, аларды күн сайын текшерүү кажет. Карантинге алынгандардын арасында вирус аныкталган жок, ошондуктан алардын айрымдары үйүнө коё берилди. Бирок дүйнөдө кырдаал начарлап жатат, силердин жоопкерчилигиңерден жана сактыгыңардан өлкөдөгү эпидемиологиялык кырдаал көз каранды. Биз коронавирустун киришине жол бербешибиз керек», - деп кайрылды премьер-министр дарыгерлерге.

Мухаммедкалый Абылгазиев бардык өткөрмө жайларда көзөмөлдү күчөтүүнү, ошондой эле текшерүүчү кызматкерлерди тийиштүү гигиеналык жана коргоочу каражаттар менен камсыздоону тапшырды", - деп жазылат маалыматта.

Автор: Гүлжамал Абылкасымова

13:47 29-02-2020

Жазылуу

Тектеш кабарлар:

Кытайлык миллиардер Жек Манын "Alibaba" фонду жети мамлекетке жардам берет. Арасында Кыргыз өлкөсү да бар

Орусияда бет кап жүктөлгөн унаалар "кайым болду". Унааны жерлиги Кыргыз өлкөсүнөн болгон адамдар коштоп келе жаткан

Пандемиядан улам Бишкектин салыктык кирешеси 1 миллиард 500 миллион сомго төмөндөйт

Бир суткада 22 медицина кызматкери коронавирус жуктуруп алды

Уу коргошун темасын улай... Министр Алымкадыр Бейшеналиевди илимий даражаларынан ажыратуу сунушу көтөрүлүүдө

Түркмөнстанга коронавирусту изилдөөгө келген Дүйнөлүк саламаттыкты сактоо уюмунун өкүлдөрүнүн бассейнде жүргөн сүрөтү тарады

Өкмөт: "Эл аралык аба каттамдарды калыбына келтирүү чечими эпидемиологиялык кырдаалды эске алуу менен кабыл алынат"

Ооганстандын саламаттыкты сактоо министри коронавирус жуктуруп алганы аныкталды

Ички иштер министринин биринчи орун басары Сүйүн Өмүрзаков Сузак районуна барды

Украиналык жаран коронавирус менен үчүнчү жолу ооруп калды

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 215 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 937 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1026 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 403 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 528 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 852 0

Архив

Комментарийлер (3)

katerina.li

2020-02-29 14:46:06

Эми зорго аран тааныштыбы?

kairhai

2020-02-29 19:35:11

Ушу да даярдыкпы? Мындай даярдык менен бардыгы кырылып калат го Манас аэропорттогулар. Бир эле колдонулуучу маскалар жарабайт да мындай жерлерге. Бети ачык, башка жерлери ачык. Кудайым сактай кор!!!

kairhai

2020-02-29 19:40:37

Башка мамлекеттерди карасан чүмкөнүп алып текшерип жатышат. Мындай болбойт. Тез арада коргоочу каражаттар менен камсыз кылуу керек!

Комментарий калтыруу үчүн өз ысымыңыз менен кириңиз же каттоодон өтүңүз.