Япониядагы круиздик лайнерде коронавирус жуктуруп алган Кыргыз жараны ооруканадан чыгарылды

Япониядагы "Diamond Princess" кемесинде коронавирус жуктуруп алган Кыргыз жараны ооруканадан чыгарылды. Ал кайрадан медициналык тест тапшырганда коронавирустун белгилери жок деп чыккан. Бул тууралуу бүгүн, 2-мартта коронавирустун өлкө аймагына кирүүсүнө жана жайылышына жол бербөө боюнча республикалык штабдын жыйынында белгилүү болду.

"Тышкы иштер министрлиги мекендешибиз Япониядагы ооруканадан чыгарылганын, учурда ал Токио шаарында экенин кабарлады" деп айтылат маалыматта.

Ал эми Тышкы иштер министрлигинин маалыматына ылайык, Кыргыз жараны 1-мартта ооруканадан чыгарылып, Токиодогу мейманканалардын бирине жайгаштырылган.

"Кыргыз жаранына Япониядагы госпиталдан медициналык сертификат берилген. Анда коронавирус аныкталбаган деген маалыматты тастыктаган маалымат көрсөтүлгөн. Мекендешибизди өлкөгө алып келүү чечими каралса, анда ал Кыргыз өлкөсүнө келгенден кийин 14 күнгө карантинге алынат", - деп билдиришти министрликтен.

18-февралда Япониядагы "Diamond Princess" кемесинде коронавирус жуктуруп алгандардын арасында Кыргыз жараны бар экендигин чет өлкөлүк басылмалар Япониянын Саламаттыкты сактоо министрлигине таянуу менен жазып чыккан эле. Бул маалымат ачыкталган соң, Кыргыз өлкөсүнүн Тышкы иштер министрлиги кемеде бир Кыргыз жараны бар экенин ырастап, аны менен 6-февралдан бери байланышта болуп жатканын, абалы канааттандырарлык экенин билдирген.

28-февралда тышкы иштер министринин орун басары Нурлан Абдрахманов круиздик лайнердеги Кыргыз жараны коронавирус жуктуруп алганы аныкталганын жыйында айткан.

Автор: Бактыгүл Момбекова

16:27 02-03-2020

Жазылуу

Тектеш кабарлар:

Танзанияда тест мөмө-жемиштен жана эчкиден коронавирус аныктады. Улуттук лабораториянын жетекчиси кызматтан алынды

Премьер-министр учурда мамлекеттин резерви жетиштүү жана жардамга муктаждардын бирөө да көңүл буруусуз калбашы керектигин айтты

Өлкөдө дагы 5 жаран коронавирус инфекциясынан каза болду

"Бишкекте жок". Коронавирустан сутка ичинде дагы 10 адам каза болду

Мэр: "Жалал-Абад шаарында обсервацияда 1 эле адам жатат"

Бир сутка ичинде илдетти 132 адам жуктуруп алса, 225 адам сакайып ооруканадан чыкты

Өлкөдө COVID-19дун альфа жана бета варианттары аныкталды

"Бейпил жашоо башталат". Францияда жарандарды коронавируска каршы эмдөөдөн өтүүгө үндөгөн ролик популярдуу болууда (видео)

Эртең Кыргыз өлкөсүнө AstraZeneca вакцинасы алып келинет

Өлкөдө коронавирус жуктуруп алган 649 адамдын абалы оор, ал эми 110 бейтаптын абалы өтө оор

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 266 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 1187 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1194 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 475 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 593 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 932 0

Архив

Комментарийлер (5)

mirkaa5182

2020-03-02 17:18:34

Жакшы жаңылык

Aimani

2020-03-02 17:52:42

Жакшы. Жуктурбай эле койсун

Paprikafm

2020-03-02 19:17:15

Жакшы экен, бирок келбей эле турсунчу

+10

Globalnews

2020-03-03 08:20:43

бул абалга япондор кытайлардай иш алып бара албай жатышат, кытайда 4 жолу отрицательный болуп акырында положительный болуп жатат, ошондуктан бул кыз дагы 3-4 жолу повоторный тест бериш керек, аны КГ га алып келбеш керек. бил вирус мн иштеш ото кыйын болуп жатат, кытайда 4 жолу тест берип анан бар же жок деп диагноз коюп жатышат, медиктерге инфо

aslan_akjol89

2020-03-03 10:32:02

Инкубациялык мезгили 28кун экен.Анда кантип вирус жок деп япондор эрте тыянак чыгарып коюшту???Ашып барса 10кун болду го ооруканага тушконуно.

Комментарий калтыруу үчүн өз ысымыңыз менен кириңиз же каттоодон өтүңүз.