"Манас" аэропортундагы бир катар каттамдар коронавирустан улам убактылуу токтотулду

Коронавирустун алдын алуу максатында "Манас" эл аралык аэропортундагы бир катар аба каттамдары убактылуу токтотулду. Бул тууралуу аэропорттун басма сөз кызматынан билдиришти.

Аба каттамдарын убактылуу токтоткон авиакомпаниялар жана рейстер:

1. "Түштүк Кытай аба жолдору" (China Southern Airlines, Кытай Эл Республикасы):

Маршрут: Үрүмчү–Бишкек–Үрүмчү.

Бул каттам ушул жылдын 23-январынан 1-февралга чейин Кытайдагы Жаңы жыл майрамына карата токтотулган. 2-февралдан баштап аталган каттам толугу менен токтотулган.

2. "Флай Дубай" (Fly Dubai, Бириккен Араб Эмираттары):

Маршрут: Дубай–Бишкек–Дубай. 17-18-19-21-23-26-мартка белгиленген каттамдар убактылуу токтотулду.

3. "Эйр Арабия" (Air Arabia, Бириккен Араб Эмираттары):

Маршрут: Шаржа–Бишкек–Шаржа. 10-марттан 15-апрелге чейин шейшемби, бейшемби жана ишемби күндөрдөгү жүргүнчү ташыган каттамдары убактылуу токтотулду.

4. "Эйр Астана" (Air Astana, Казакстан):

Маршрут: Нур-Султан–Бишкек–Нур-Султан. Дүйшөмбү, шейшемби, жума жана ишемби күндөргө белгиленген каттамдардын баары март, апрель айларында учууну убактылуу токтотту.

Маршрут: Алматы–Бишкек–Алматы. 16-18-мартка белгиленген каттам убактылуу токтотулду.

5. "Өзбекстан аба жолдору" (Uzbekistan Airways, Өзбекстан):

Маршрут: Ташкент–Бишкек–Ташкент. 16-марттан 28-мартка чейин ишемби күндөргө белгиленген каттамдар, 1-апрелден 22-апрелге чейин шаршемби күндөргө белгиленген каттамдар убактылуу токтотулду.

6. "Азимут" (Azimut, Орусия):

Маршрут: Ростов-на-Дону–Бишкек–Ростов-на-Дону. 11-марттан 15-мартка чейинки каттамдар убактылуу токтотулду.

7. "Урал авиа жолдору" (Ural Airlines, Орусия):

Маршрут: Екатеринбург–Бишкек–Екатеринбург. 11-18-25-мартка белгиленген каттамдар.

8. "Авиа Траффик Компани" (Avia Traffic, Кыргыз өлкөсү):

Маршрут: Бишкек–Дели–Бишкек. 15-19-26-мартка жана апрель айына белгиленген каттамдар убактылуу токтотулду.

Маршрут: Бишкек–Стамбул–Бишкек. 19-22-26-30-март жана 2-3-5-6-9-10-12-13-16-17-апрелге белгилеген каттамдар убактылуу учпайт.

Маршрут: Бишкек–Санкт-Петербург–Бишкек. 21-28-март жана 4-11-15-18-апрель күндөрү учуучу каттамдар токтотулду.

9. "Вареш Эйрлайнс" (Varesh Airlines, Иран):

Маршрут: Тегеран–Душанбе–Бишкек–Тегеран. Аталган каттам ушул жылдын 3-февралынан тарта аптасына бир жолу жүргүнчү ташып баштаган. Аталган каттам 25-февралдан тартып белгисиз мөөнөткө чейин убактылуу токтотулду.

"Ош" эл аралык аэропортунан ишке ашырылып жаткан Эль-Кувейт–Ош–Эль-Кувейт (Jazeera Airways авиакомпаниясы) каттамы 10-марттан 1-апрелге чейин убактылуу токтотулду.

"Манас" аэропортунан билеттерди тапшыруу, кайра алуу жана каттамдардын учуу мөөнөтүн авиакассалардын, компаниялардан тактап алууну суранат.

Автор: Бактыгүл Момбекова