Стамбулда жасалма аракка ууланып, 53 жаран каза болду, дагы 15 киши ооруканага жаткырылды. Бул тууралуу чет элдик маалымат каражаттары жазып чыкты.Уулангандар жасалма аракты коронавирустан сактануу үчүн колдонушкан. Үй шартында арак жасаган деген шек менен 11 адам кармалган. Тинтүү учурунда алардан көп өлчөмдөгү жасалма арак, ок атуучу куралдар жана ок-дарылар табылган.
Буга чейин Иранда коронавирустан коргонуу максатында метил спиртин ичип, тургундар ууланып каза болгон.
Эскерте кетсек, Дүйнөлүк саламаттыкты сактоо уюму алкоголдук ичимдиктер коронавирустан коргобой тургандыгын расмий маалымдаган.
