Биринчи вице-премьер: "Медицина кызматкерлеринин аброюна шек келтирген болсом, кечирим сурайм"

Бүгүн, 13-апрель күнү биринчи вице-премьер-министр Кубатбек Боронов республикалык штабдын ишмердүүлүгү тууралуу онлайн жыйын берди.

"Медицина кызматкерлеринин оорусу боюнча атайын адистерден турган комиссия иштеп жатат. Чет мамлекеттен маселени чечүү үчүн адистерге кайрылганбыз. Жакын арада бул боюнча маалымат берилет", - деди биринчи вице-премьер.

Ошондой эле медицина кызматкерлери тууралуу мурунку брифингде айтылган сөздөрү боюнча төмөнкүдөй толуктоо киргизди.
"Мен буга чейин брифингде медицина кызматкерлеринин ооруп калганы тууралуу айткан элем. Аны айрым кызматкерлер өзүнө алып алган учур болуп жатат. Мен бирөөнүн аты-жөнүн, купуя сырын атаган эмесмин. Маалыматты бергенимдин негизги максаты, медицина кызматкерлерге чара колдонуп, алардын оорусун ашкерелөө болгон эмес. Коронавируска каршы күрөшүп жаткан кызматкерлердин келечекте андай маселеге чалдыкпай, милдеттерин так аткарып жүрүшсө деген ой болчу. Ал эми жалпы медицина кызматкерлеринен расмий түрдө кечирим сурайм. Эгер ошол маалымат сиздердин аброюңуздарга шек келтирген маалымат катары кабыл алынса, кечирим сурайм. Штабдын башчысы катары мен медицина кызматкерлери менен тыгыз иштешип, алардын кандай эрдик менен иштеп жатканын көрүп жатам", - деди Боронов.

Эске салсак, 8-апрель күнү биринчи вице-премьер-министр онлайн жыйын учурунда "Ошто инфекциялык ооруканадагы дарыгер ооруну умрадан келген кошунасынан жуктуруп алып, кийин кесиптештерине жуктурган" деп айткан. Ал маалымат коомчулукка тараган соң Оштогу балдардын инфекциялык ооруканасындагы дарыгерлер "Бизге жалаа жабышпасын, эч ким, эч кандай ажы тойго барган эмес" деген нааразычылыгын билдирип, бийликке кат жолдошкон. Ага улай коронавирус жуктуруп алды делген дарыгердин ага кур доомат коюлуп жатканын айткан жеке каты жарыяланган.

Автор: Гүлжамал Абылкасымова

16:25 13-04-2020

Жазылуу

Тектеш кабарлар:

Өлкөдө дагы 4 дарыгер коронавирус инфекциясын жуктуруп алды

"Бирге жеңебиз!" Кыргыз өлкөсүнүн дарыгерлери коронавируска каршы флешмоб башташты

Кубатбек Боронов: "Күз, кыш мезгилдерине жакшы даярдануу зарыл, ал маалда ооругандардын саны өсүшү ыктымал"

Азиз Суракматовдун кызматтык милдеттерин биринчи вице-мэр убактылуу аткарат

IV чейректе видео сабактарды кайсы телеканалдардан көрсө болот? Министрликтин жообу

Казакстанда акыркы суткада 1069 адамдан коронавирус илдети аныкталды

Футбол боюнча Кыргыз улуттук курамасынын башкы машыктыруучусу Александр Крестинин: "Мен жакынкы күндөрдө биз стадиондон жолугабыз деп ишенем"

Түркиядан 326 Кыргыз жараны мекенине кайтып келди

Өлкөдөгү коронавирус аныкталган алты адам жандандыруу бөлүмүнө которулду

Саламаттыкты сактоо уюму БЦЖны коронавируска каршы колдонуудан баш тарта турууга чакырды

РУБРИКАДАГЫ СОҢКУ КАБАРЛАР

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 80 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 105 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 255 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 502 0

20:42 2025-04-30 | Коом жана турмуш

Өлкөдө окуучулар 11 күнгө канукулга чыгат 439 0

20:01 2025-04-30 | Кылмыштар, кырсыктар

Таласта токтоп турган унааны айдай качкан киши кармалды 581 0

Архив

Комментарийлер (1)

Ziregim

2020-04-13 17:16:44

Актанып журуп кырылып бутот окшойбуз,Баары эле суттон ак кимисине ишенееринди билбейсин, журналисттер жыргап эле калды тутогон отко май чачып, корунгон кабарды жаза берип кичине азыраак жазгылачы ушул атын очкур вирусту, элдер вирустан эмес депрессиядан олмой болду кырылып!

Комментарий калтыруу үчүн өз ысымыңыз менен кириңиз же каттоодон өтүңүз.