"Африканын айрым мамлекеттеринде вирус жайылган жок. Демек коронавирус жайында токтойт дегенге негиз бар" дейт эксперт

16-апрелге карата дүйнө жүзүндө коронавирус оорусун жугузгандардын саны 2 миллион 62 миң 485 кишиге жетти. Алардын ичинен 511 миң 843 адам айыгып, ооруканадан чыкса, 136 миң 908 бейтап каза болду. Учурда коронавирус илдети менен дүйнөнүн 185 мамлекети күрөшүп жатат.

Кытайдын Ухан шаарында пайда болгон таажы вирусу алгач бүткүл Европаны, андан соң Азия мамлекеттерин да каптады. Азырынча вируска каршы вакцина да, дары-дармек да жок. Андыктан ар бир өлкө Бүткүл дүйнөлүк саламаттыкты сактоо уюмунун көрсөткөн алгоритмин аткаруу менен гана ооруга туруштук берүүгө аракет жасашууда. Ал арада эксперттер айдыңында коронавируска байланышкан ар түрдүү ой-пикирлер пайда боло баштады. Арасынан COVID-19 вирусу ысыкта жоголобу же жокпу деген суроонун айланасында бир топ талаш пикирлер жаралып, ал эксперттерди эки жаатка бөлдү.

Алсак, Экс-Марсель университетинде эмгектенген Реми Шаррел жана анын кесиптештери коронавирусту өлтүрүү үчүн 92 градус ысык температура керектигин тажрыйба жүргүзүп аныкташканын билдиришкен.

Ал эми дүйнөгө белгилүү вирусолог, полиомиелит оорусуна каршы вакцинаны тапкан профессор Жулио Тарро коронавирус пандемиясы жай мезгилинде токтошу мүмкүн экендигин айткан.

"Коронавирус кадимки мезгилдүү куш тумоосу сыяктуу жер жүзүндө калышы мүмкүн. Аны менен күрөшүүдө вакцинаны күтпөш керек, вирустун симптомдорун жоготуу үчүн дарылоо жүргүзүү жетиштүү. Африка мамлекеттеринде вирустун жайылбай жатышы вирустун өрчүшү күн ысыганда токтойт дегенге негиз берет", - деген вирусолог.

Вирус каттала элек өлкөлөрдүн арасында Африка мамлекеттери да бар:

Тажикстан
Түркмөнстан
Түндүк Корея
Самоа (Полинезия штаты)
Түштүк Судан (Африкадагы мамлекет)
Лесото (Түштүк Африка Республикасынын аймагы менен курчалган падышалык)
Комор аралдары (Чыгыш Африкадагы мамлекет)
Микронезия (Океаниядагы мамлекет)
Кирибати
Маршалл аралы (Микронезиядагы Тынч океан штаты)
Палау (Тынч океандын батыш тарабындагы архипелаг мамлекет)
Науру (Тынч океандын батыш тарабындагы коралл аралындагы мамлекет)
Сан-Томе жана Принсипи (Африка)
Тонга (Тынч океандын түштүгүндөгү Полинезия падышалыгы)
Тувалу ( Тынч океан штаты)
Вануату (Тынч океандын түштүгүндөгү мамлекет).

Автор: Бактыгүл Султаналиева

20:15 16-04-2020

Жазылуу

Тектеш кабарлар:

Бир суткада коронавирус жуктургандардын эң көбү Ошто катталды (видео, хронология)

Орусияда коронавирус аныкталгандардын жалпы саны 400 миңден ашты

1-майга карата 76 жаран коменданттык саатта кармалды

"Карантинде жолдошумдун чыныгы жүзү ачылды". Кош бойлуу, төрт балалуу аял турмушундагы оор учурду айтып берди

Бишкекке Таиланддан Кыргыз жарандары кайтып келди

Чехияда карантин соңуна чыкты

Коронавируска каршы эмдөө пункттары өлкөнүн бардык аймактарында ачылды

Кыргыз өлкөсүнө коронавирусту аныктоочу 2 миң даана тест систем алып келинет

"РСК банк" ачык акционердик коомунун төрагасы: "Жарандардын насыясын төлөө мөөнөтү 3 айдан 6 айга чейин узартылды"

Москвада 79 жаштагы аял коронавирустан каза болду

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 266 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 1187 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1194 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 475 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 593 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 932 0

Архив

Комментарийлер (9)

sirenaaaaa

2020-04-16 20:20:08

Буюрса аз калды , майда сонун кылып майрамдап кадимкидей жашоо башталат

+14

ZUXRIDDIN20

2020-04-16 20:39:41

Ушул вирусологко чоң рахмат коңулдү аз болсода көтөрүп дагы үмүт бергендиги үчүн. Аллах Таала тезирээк бул үстүбүздөгү балээни көтөрсун.

+12

filis

2020-04-16 21:16:26

Эн башкысы адамдар оорубасын. Дуйнодо жакшылыктар болсун. Тенирим колдоп, жакшылыктар эле болуптурсун.

-13

Barak-9494

2020-04-16 21:59:28

filis,э давдыр тенирин менен жергиргиргир жоголчу нар

Kitep

2020-04-16 22:04:22

Barak-9494,Тенирчилерди жон эле койчу.Үрсө үрө берсин,биз жүрө берели.

Kairat1996

2020-04-16 21:18:21

Вирус жакында токтобойт. Вирус уже кетпейт. Вакцина еще даяр эмес. Вакцина даяр болгуча миллиондогон адамдар жуктуруп коюшат. Коп олколордун экономикасы талкаланат. Анын арасында биз да барбыз. Обычный грипп сыяктуу эле калат.

-6

Kitep

2020-04-16 22:09:16

Карантиндин тартиптерин жакшы сактасак,баардык тамырлар изоляцияга алынса,буюрса Коронавирусту женебиз!
Кундун ысык суугуна карабай женебиз.

Alixan-Nookat.2015

2020-04-16 23:29:24

Тажиктер менен Түркмөндөр бекитип жатабы деп ойлоп жатам, Тажиктерден сак болуу керек кошуна өлкө бизде токтогондо кайра жуктуруп жибербеши үчүн.

nazira1989

2020-04-17 08:26:35

Эртераак эле токтосо экен,уйдо отуруп депрессия болоюн деп калдым ...

Комментарий калтыруу үчүн өз ысымыңыз менен кириңиз же каттоодон өтүңүз.