"Дарыгердик сырды ачыкка чыгарды" деген берене менен текшерүү башталды. Чаткалда жергиликтүү тургун дарыгердин үстүнөн арыз жазды

"Жалал-Абад облусунун Чаткал районуна караштуу Каныш-Кыя айылынын тургуну райондук оорукананын дарыгерине карата арыз жазды. Бул арыздын негизинде текшерүү иштери башталды", - дейт Жалал-Абад ОИИБинин маалымат катчысы.

Аталган айылдын тургуну милицияга арыз менен кайрылган. Анда 2-май күнү Т.Ш. жана А.Ж. аттуу дарыгерлер арыздануучунун үйүнө келишип, баласынан коронавируска кайрадан анализ алышарын айтышкан.

"Мен баламды Чаткал райондук ооруканасына алып келсем эпидемиолог оорукананын короосуна киргизбей туруп, анализдин жыйынтыгын көрсөткөн. Бул учурда жанымда кошуналарым болгон. Анализдин жыйынтыгын кошуналардын көзүнчө жарыялап жибергендиги боюнча мыйзам чегинде чара көрүп бериңиздер", - деп кайрылган.

Бул арыз Чаткал РИИБинин Кылмыштардын жана жоруктардын бирдиктүү реестрине 83-берене (дарыгердик сырды ачыкка чыгаруу) менен катталып, сотко чейин өндүрүш иши ачылды. Учурда текшерүү иштери жүргүзүлүп жатат деди мекеменин басма сөз өкүлү.

Окуянын чоо-жайы:

2-майда медициналык кызматкерлер Каныш-Кыя айылына барышып, коронавируска шектелген жарандан анализ алмакчы болушкан. Кызматкерлер үй ээсинен ПЦРге анализ алайын деп жатканда, анын эки кошунасы келип "анализ албайсыңар, андай оору жок" деп лаборантты жакалап түртүп, сыртка чыгарышкан. Андан кийин башка медициналык кызматкерлерди дагы сыртка чыгарып, уят сөздөр менен сөгүшкөн.

Ал эми үйдүн ээси баласын "ооруканага жаткырбайм" деп каршылык кылган. Дарыгерлер окуя тууралуу милицияга кабар беришкенден кийин каршылык көрсөткөндөр жана медициналык кызматкерлерге асылган жарандар обсервацияга жиберилген. Бул факты боюнча чара көрүп берүү үчүн А.Г. аттуу дарыгер арыз жазган.

Автор: Бактыгүл Момбекова

21:34 08-05-2020

Жазылуу

Тектеш кабарлар:

Бир күндө дагы 11 медицина кызматкери коронавирус жуктуруп алды

Өткөн суткада 362 адамдан COVID-19 илдети аныкталды

Жакында өлкөгө Орусиядан пландалган гуманитардык жүк келет

Өзбекстанда коронавирус менен 227 жаран ооруп, 25 бейтап айыкты

Карантин жылдыздардын жашоосун кандай өзгөрттү? Назира Айтбекова "жашоомо өзгөртүү киргиздим" десе, Данияр Эрматов айылга көнүп алганын айтат

Бир суткада 4 адам коронавирус жана пневмониядан каза болду

"Бишкектеги Эне жана баланы коргоо борборундагы 2 кызматкерден вирус аныкталды эле. Борбор жабылдыбы?". Министрлик жооп берди

АКШ президенти Дональд Трамп медициналык бет кап кийүүдөн баш тартты

Иранда 100 жана 106 жаштагы бейтаптар коронавирустан айыгып чыгышты

Республикалык штаб өлкөгө өзгөчө абал киргизүүнүн кажети жок деп чечти

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 215 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 937 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1026 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 403 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 528 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 852 0

Архив

Комментарийлер (8)

erlanspb

2020-05-08 22:07:08

Абад облусу кайсыл жерде деп карапмын Жала Абад десенер

Bolunbo.kyrgyz

2020-05-10 09:48:25

erlanspb, таласта

omka100514

2020-05-08 22:14:55

Ушинтип жашырышып кобойтот вирусту. Озу эле ооруса бир жон, башкаларга да жугузат. Коронавирус болсо эмне экен, андан коро убагында алдын алып даарыланган туура болотго, ооруну жашырса олум ашкере дейт.

Arai92

2020-05-08 22:53:28

Дарыгерлер тест тапшыргыла десе тапшырбаш керек, себеби тесттер Кытайдан келет, ичинде вирус бар. А тугул дарыгерлер вирус бар экенин оздору билишпейт.

-1

-BOSS-

2020-05-09 00:15:58

Arai92, Кыргызстанда 67 миңден ашуун адам тест тапшырыптыр, анын ичинен 906 сынан гана вирус аныкталса, калганы таза чыгыптыр. Биздеги тесттер Кытайдан келген эмеспи сенин оюңча?

akmanai

2020-05-09 13:54:16

Arai92,Анан сен кайдай билесин аны. Ушу силерге окшогондор ар кайсыны суйлоп элдин башын айландырып атат. Дарыгердин айтканы менен болуп, вирустун мындан ары жайылып кетишине богот коюп, карантинден чыгалыбы эртерээк

Margo82

2020-05-09 08:03:38

Оздору тополон кылышып,элдин баарына жарыя болушуп,оздору видеолорго тартып интернетке жайып атышса,каяктагы врачебный тайна,озу кичине эле жердеги окуя болуп атса.

rola

2020-05-09 10:34:23

Уурусу куч болсо ээсин доого жыгат болуптур.

Комментарий калтыруу үчүн өз ысымыңыз менен кириңиз же каттоодон өтүңүз.