"Айт келе жатканына байланыштуу жылдык берем, аш берем дегендер көзөмөлгө алынат" дейт өкмөттүн Ош облусундагы ыйгарым укуктуу өкүлү

Бүгүн, 14-майда өкмөттүн Ош облусундагы ыйгарым укуктуу өкүлү Узарбек Жылкыбаев онлайн маалымат жыйын берди.

Жыйын маалында социалдык, экономикалык жана эпидемиологиялык абалга байланыштуу бир катар суроолор берилди. Анын ичинен "Жалпы эл ысырапчылык жана ыксыз акча коротууларды эпидемиологиялык абал бүткөн соң кайра улантып кетпейби. Себеби алдыда айт майрамы келе жатат да?" деген суроо узатылды

"Коронавирустун келгени жалпы адамзатка берилген эскертүү болушу керек. Пандемия башталганга чейинки мезгилге баам салсак, кыргыздарда жана башка өлкөлөрдө деле ыксыз чыгымдар көбөйүп кеткен экен. Айрыкча кыргыз элинде жакшылык, жамандыкта ысырапчылык көп болуп, бул нерсени мурун деле токтотууга аракет кылып келгенбиз. Эми бул абалдан кийин эл өздөрү деле сабак алып, токтотсо жакшы болмок. Тилекке каршы азыр деле ага жол бергендер бар экен.

Оору өтсө деле кийинки жашообузду ойлоп, тартипти сактап калышыбыз керек. Обу жок чыгымдарды кетирбегенге чакырып кетким келет. Мурункудай мал-жанды той-аштарга кетирбей, аларды балдардын билимине жумшаса жакшы болот. Мисалы азыр айт келе жатат. Адамдардын массалык топтолуусуна жол берилбеши керек, андайлар көзмөлгө алынат. Бирок ошол айтта жылдык берем, аш берем дегендер чыгып жатыптыр. Аларга "адамдарды чакырбай эле, эки жылкыңды союп элге таратып койсоң болот" деп кеңеш бергендер дагы чыгып жатыптыр. Эми эгер кан чыгарып, бата алгыңар келсе, бир кой деле жетсе керек да. Андан көрө ага кеткен чыгымды балдардын келечегине, билимине, ден соолукту чыңдоого, үй-жайды оңдоого жумшоого чакырам. Ишкерлер чыгымды токтотсо, карапайым жарандар дагы токтотот эле", - дейт Узарбек Жылкыбаев

Автор: Бактыгүл Султаналиева

21:07 14-05-2020

Жазылуу

Тектеш кабарлар:

Акыркы коңгуроо, 10-20-30 жылдык бүтүрүү салтанаттары боюнча чектөөлөр болот

Бир суткада 125 адамдан коронавирус илдети аныкталды

Чет элдик жана ата мекендик уюмдардан медициналык каражаттар түрүндө гуманитардык жардамдар берилүүдө

Японияда социалдык аралыкты сактоо үчүн кол чатыр колдонуу сунушталууда

Коронавируска каршы күрөшүү үчүн Саламаттыкты сактоо министрлигинин эсебине 138 миллион сомдон ашык каражат түштү

Ыктыярчылар коронавирус илдетине кабылган оор абалдагы жарандар үчүн ооруканаларда орун жок дешет. Министрликтин жообу

АФК Кубогу 2020: "Дордой" футболдук клубунун катышуусундагы бардык оюндар күзүндө өтөт

Коронавирус илдети бир суткада дагы 3 бейтаптын өмүрүн алды

Таиландда вакцина алгандарга уй жана акчалай сыйлык берилет

Оштун Ноокат, Кара-Суу райондорунда, Жалал-Абаддын Сузак районунда, Нарын шаарында өзгөчө абал режими токтотулат

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 215 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 937 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1026 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 403 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 528 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 852 0

Архив

Комментарийлер (3)

talant87

2020-05-14 22:24:26

Админ силерден сураныч Бир суроом бар билип бергилечи.25 майга элдерде 10-20-жылдык айылдарда ойун зоок откорот быйыл ошондой иш чаралар болобу же аймак аймакта болобу руксат береби дегеним.

Бактыгүл Султаналиева

2020-05-15 09:52:25

talant87,https://www.super.kg/kabar/news/305541/
https://www.super.kg/kabar/news/306055/
төмөндөгү шилтемелер аркылуу кирип, сурооңузга жооп алсаңыз болот

bond0202

2020-05-15 01:02:38

ресторандардын баарын жабуу керек ошондо ашыкча ысырапкорчулук азайат болчу.бирок айтыш кыйын,себеби депутаттарыбыз андай закон киргизе албайт.баардык кафе ресторандар ошолорго карайт

Комментарий калтыруу үчүн өз ысымыңыз менен кириңиз же каттоодон өтүңүз.