Кубатбек Боронов: "Тез арада аймактарда дары-дармектердин запасын даярдоону күчөтүү зарыл"

Өлкөнүн аймактарында медициналык каражаттар менен дары-дармектердин таңкыстыгы байкалууда. Тез арада алардын запасын даярдоону күчөтүү зарыл. Мындай тапшырманы премьер-министр Кубатбек Боронов тармактык мамлекеттик органдарга республикалык ыкчам штабдын жыйынында берди.

Өкмөт башчы белгилегендей, өлкө аймагында эпидемиологиялык кырдаалга даяр туруш үчүн бардык тараптан шарттар түзүлүш керек.

"Учурда өлкөдө дары-дармектердин таңкыстыгы байкалууда. Мындан улам буга чейин медициналык каражаттардын запасын камсыз кылуу боюнча берилген тапшырманы аткарууну күчөтүү зарыл. Аймактарда дагы дары-дармектердин запасы даяр турсун. Ошол эле учурда медициналык каражаттардын баасынын негизсиз жогорулашын алдын алуу боюнча иштерди күчөтүү шарт. Ооруканалардагы жандандыруу блоктору дагы даярдалсын. Өкмөт тарабынан сатып алынган мобилдик кычкылтек концентраторлорунун кийинки партиясы өлкө аймактарына бөлүштүрүлүп берилет", - деди Боронов.

Ошондой эле өкмөт башчы оор абалдагы бейтаптарга өзгөчө көңүл буруу керектигин айтты.

"Күндүзгү стационарлар, медициналык мекемелердин бардыгы бейтаптарды кабыл алып, жардам берилсин. Медициналык кароого муктаж жарандарды "Тез жардам" кызматы аркылуу башка ооруканага жайгаштырууга көмөк көрсөтүлсүн. Оор абалда келген бейтаптардын бирин да артка кетирбей, жардам берилүүгө тийиш. Ошондуктан медициналык мекемелердин өз ара аракеттешүүсү тез арада жолго салынсын", - деп премьер-министр катуу талап койду.

Республикалык ыкчам штабдын жыйынынын соңунда Кубатбек Боронов башка мамлекеттерден алып келинип жаткан дары-дармек менен медициналык аппараттарды бажылык тариздөө иштерин тездетүүнү тапшырды. Муну менен катар Саламаттыкты сактоо министрлигине Бишкек шаарындагы жана өлкө аймактарындагы ооруканалардын жандандыруу блокторун көбөйтүү милдеттендирилди.

Автор: Азат Бейшенбеков

21:43 11-07-2020

Жазылуу

Тектеш кабарлар:

Кытайда пандемия башталгандан бери 1 сутка ичинде 1 дагы адам көз жумган жок

Бир күн ичинде 15 дарыгер коронавирус инфекциясын жуктуруп алды

"Diamond Princess" круиздик лайнери: Сутка ичинде коронавируска кабылгандардын саны 60ка жетти

"Коронавирус жок, керек болсо ооругандар менен учурашканга даярмын" деген "баатырга" өкмөттүн Таластагы өкүлү жооп берди

Өлкөдө коронавирус инфекциясынан акыркы суткада дагы 3 бейтап көз жумду

Чемпиондор Лигасы: "Валенсия" - "Аталанта" беттеши күйөрмандарсыз өтөт

Орусияда коронавирус менен 658 адам жабыркап жатат

"Бирге жеңебиз!" Кыргыз өлкөсүнүн дарыгерлери коронавируска каршы флешмоб башташты

Эми түндө дагы медициналык кызматтар көрсөтүлөт. Бишкекте түнкү стационарлар ачылат

Бүгүнкү күндө коронавирустан 800дөн ашык адам стационарларда дарыланууда

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 215 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 937 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1026 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 403 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 528 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 852 0

Архив

Комментарийлер (8)

oscar

2020-07-11 21:57:11

Дары дармектер жок, болсо кымбат

nurikkg90

2020-07-11 22:12:21

башында эле ушундай тартипти кармаш керек эми барибир кетип калсанарда иштеп калсанарда жооп бересинер убагын да ойноп жеп журуп алдынар министирлер

Hanzada.sabih

2020-07-11 22:30:50

Аймактарга чачасынарбы вирусту?дезинфекциянардан кийин кобоюп кеттиго ооруу?Кудайдан корккулачы!!!

Атасынын баласы

2020-07-11 23:06:08

Оо, биздин окмот ойгонду...

Tyty1990

2020-07-12 01:03:48

Оор кырдаалдан пайдаланып байыган коммерсанттар оңбой калышсын

jalguzum

2020-07-12 01:48:28

Антисептиктерди арзандаткылачы

Sajakat14

2020-07-12 07:41:50

Эми ойгонуптурбу.Дарылар жетишпейт.Бар дарылары асмандын башы. Казакстанга дагы ташып жатышат Казакстанда туугандары барлар. Өзүбүзгө жетиштүү кылышты дарыларды карантин учурунда аткара турган жоопкерчилик элгего! Карантинди оору күчөгөндө туруштук берип жеңип калуу үчүн киргизишет экен дүйнөдө! Дарысын аптекаларда толуктап,бааларын көзөмөлдөп, ооруканаларын салып! Оорукана салган жок! Бизде ачык асманда жатат оорулуулар. Вирус жукпаш үчүн жабык имараттар керек! Бизде дневной стационарлар толду

Sajakat14

2020-07-12 07:49:09

Ошол дневной стационарларда колдонулган, шприцтерди, колкаптарды, системаларды, уколдорду, комбинизондорду каякка ыргытып жатышат? Аларга ким жоопкерчилик алып жатышат? Жапжаш студент волонтёрлор медик эмесда. Мүмкүн алар жөнөкөй мусорго салып коюп жатышат! Ошентип оору күчөйт. Вирус абада концентрация болбош үчүн дезинфекция кылып туруш керек. Дневной стационарларда ошентет деп ойлобойм! Кыргызстандын медициналык системасы жок экенда. Эххх! Ыйлагың келет! Дагы эл өзүнө өзү жардам берип жатат!

Комментарий калтыруу үчүн өз ысымыңыз менен кириңиз же каттоодон өтүңүз.