Ысык-Көлдө 9 жашар секелекти зордуктоого шектелип 25 жана 19 жаштагы айылдаштары кармалды

Жети-Өгүз районунда 9 жашар кыз 2 жигит тарабынан зордукталган. Бул тууралуу бүгүн, 16-сентябрда Ысык-Көл облустук милициясынан билдирди.

Маалыматка ылайык, окуя 9-сентябрда Барскоон айылында болгон. Ошол эле күнү милицияга кыздын апасы арыз менен кайрылып, 2 адам кызын сабап, зордукташканын айткан.

Бул факты боюнча Кылмыш-жаза кодексинин 154-беренесинин (Зордуктоо) негизинде кылмыш иши козголгон. Шектүү катары ошол эле айылдын 25 жана 19 жаштагы тургундары кармалып, эки айга камакка алынышкан.

Бардык керектүү соттук-медициналык экспертизалар дайындалып, тергөө иштери жүрүп жатканы кошумчаланды.

Автор: Кылымбек Бейшеев
Фото: Иллюстрациялык сүрөт