Ошто жардын кырында жашагандарга башка жайга көчүү эскертилди

Ош шаарында кооптуу аймакта жашаган 63 үй-бүлөгө түшүндүрүү иштери жүргүзүлдү. Бул тууралуу Өзгөчө кырдаалдар министрлиги билдирди.

Аталган турак жайлар калаанын Ленин, Ош жана Бабараимов көчөлөрүндө жайгашкан.

Билдирүүгө ылайык, 2018-жылы аталган аймактарда жардын урап кетүү коркунучу аныкталып, жергиликтүү бийлик жашоочуларды коопсуз жайга көчүрүү боюнча сунуш кылган. Бирок тургундардын көчүүсү толук аткарылбай калган.

"Өкмөткө караштуу кызматкерлер тарабынан жүргүзүлгөн түшүндүрүү иштери учурунда жардын урап кетүү коркунучу күчөп жаткандыгы, өмүрү жана мүлкү үчүн коркунуч туулушу мүмкүн экени айтылды" деп жазды ӨКМ.

Автор: Айжанар Рыспек кызы