Өзгөндүн Кызыл-Кырман айылындагы 48 жыл мурун курулган эски мектеп жаңыланат

Бүгүн, 17-мартта Ош облусунун Өзгөн районунун Кызыл-Кырман айылындагы 275 окуучуга ылайыкташкан мектептин жаңы имаратынын курулушуна касула салынды. Бул туурасында прзеиденттин Ош облусундагы өкүлчүлүгүнүн маалымат кызматы билдирди.

Маалымдалгандай, иш-чарага Жогорку Кеңештин депутаттары менен спикер Нурланбек Тургунбек уулу катышты.

"Билим уясы эки кабаттуу болуп, спорт залы менен кошо заман талабына ылайык бардык шарты менен курулат. Ал үчүн республикалык бюджеттен 233 миллион сомдон ашуун каражат каралган. Аталган мектептин эски имараты 1977-жылы ишке берилген. Бүгүнкү күндө эскилиги жеткен мектепте 650дөн ашуун окуучу билим алат", - деп айтылат маалыматта.

Автор: Замира Ниязбекова