Эми Ирандын жогорку лидери АКШга эскертүү берди

Ирандын руханий лидери Аятолла Али Хаменеи АКШга кайрылып, Тегеранга коркутуулар эч качан эч нерсеге жетпей турганын эскертти. Бул тууралуу РИА Новости жазды.

Хаменеинин айтымында, Вашингтон жана башкалар иран элине каршы жамандык жасаса, алар жообун катуу алышат.

"Америка Кошмо Штаттары Иран менен тирешүүдө коркутуу менен эч нерсеге жетише албасын билиши керек. Эгер алар Ирандын элине жамандык кылса, алар катуу соккуга дуушар болушат", - деген Хаменеи мамлекеттик телеканалдын түз эфиринде.

Жакында Ирандын БУУдагы туруктуу өкүлү Амир Саид Ирвани Тегеранга каршы ар кандай агрессия “олуттуу кесепеттерге” алып келерин эскертти.

"Эл аралык тынчтыкты жана коопсуздукту камсыз кылуу боюнча милдеттенмелерин аткарган Иран Ислам Республикасы өзүнүн эгемендүүлүгүн, аймактык бүтүндүгүн жана улуттук кызыкчылыктарын эл аралык мыйзамдарга ылайык, ар кандай душмандык аракеттерден чечкиндүү түрдө коргойт. Иран Ислам Республикасы ар кандай агрессивдүү аракеттердин оор кесепеттери бар экенин эскертет, бул үчүн Америка Кошмо Штаттары толугу менен жоопкерчилик тартат", - деп айтылат Ирандын Коопсуздук кеңешинин төрагасынын катында.

Буга чейин Дональд Трамп Ирандын руханий лидери Аятолла Али Хаменеиге эскертүү иретинде кат жолдогон.

Автор: Азат Бейшенбеков