Эрдоган демонстранттарды полицияга кол салууга аракет кылды деп айыптады

Түркиянын президенти Режеп Тайып Эрдоган оппозицияны полицияга кол салуулар үчүн айыптады. Бул тууралуу Haber басылмасы жазды.

"Алар төрт күндөн бери элдин тынчтыгын бузуу, элибизди бөлүп-жаруу, биздин полиция кызматкерлерине кол салуу үчүн баарын жасап жатышат", - деген саясатчы.

Түркиянын негизги оппозициядагы Республикалык элдик партиясы буга чейин Стамбулдун мэри Имамоглуну колдоо үчүн нааразылык акцияларына чыгууга чакырган. Стамбул, Анкара жана Измирдин бийлиги демонстрацияларга тыюу салууну 27-мартка чейин узартты.

Стамбулдун мэри Экрем Имамоглу 19-мартта кармалган. Ал коррупцияга айыпталып, төрт күнгө камакка алынган. Мунун фонунда түрк лирасынын курсу рекорддук деңгээлге түшүп, Стамбулдун борбордук көчөлөрү жабылып, негизги социалдык түйүндөр жана мессенжерлер иштебей калган.

Имамоглу оппозициядагы Республикалык элдик партиянын лидерлеринин бири жана Түркиянын президенти Режеп Тайып Эрдогандын негизги саясий атаандашы. Кармалганга бир нече күн калганда анын диплому жокко чыгарылган.

Автор: Азат Бейшенбеков