Арнольд Шварцнеггер биринчи жолу Forbes миллиардерлеринин тизмесине кирди

Америкалык актёр жана продюсер Арнольд Шварцнеггер өмүрүндө биринчи жолу миллиардер болду. Аны дүйнөдөгү миллиардерлердин тизмесине Forbes журналы кошту.

Маалыматка ылайык, Калифорниянын мурдагы губернаторунун байлыгы 1 миллиард 100 миллион долларды түзөт. Бул сумма Шварцнеггер тартылган 50дөн ашык тасма үчүн гонорар гана кирбестен, инвестициялардан, анын ичинде коммерциялык кыймылсыз мүлктөн түшкөн киреше.

Жалпысынан быйыл тизмеге 288 жаңы миллиардер кошулуп, рейтингдин катышуучуларынын жалпы саны 3 миң адамдан ашты.

Автор: Азат Бейшенбеков