Жеңишбек Токторбаев 7 балалуу эки үй-бүлөгө батир ачкычтарын тапшырды (фото)

Бүгүн, 4-апрелде Ош шаарынын мэри Жеңишбек Токторбаев 7 балалуу эки үй-бүлөгө жаңы батирлердин ачкычтарын тапшырды. Бул тууралуу шаар мэриясы кабарлады.

Мекеме билдиргендей, аталган батирлер "Капитал строй инвест" жана "Сулайман Групп" курулуш компаниялары тарабынан жардам иретинде берилди.

"Туруктуу үй-жайы жок Жибек жолу кичи районунун тургуну, 7 балалуу (2 уул жана 5 кыз) Шерзод Умарбаевдин үй-бүлөсүнө, Курманжан-Датка муниципалдык аймактык башкармалыктын тургуну, 7 балалуу (4 уул, 3 кыз) Гүлнара Алип кызына батир ачкычтары тапшырылды" деп жазылат анда.

Жеке батирге ээ болгон үй-бүлөлөр мэрдин колдоосу жана жардамы үчүн ыраазычылыктарын билдиришти.

Автор: Айжанар Рыспек кызы
Фото: Ош мэриясы