Ысык-Көл облусунда жыл башынан бери 10 миңден ашык акылдуу эсептегич орнотулду

Ысык-Көл облусунда жыл башынан бери 10 миңден ашык акылдуу эсептегич орнотулду. Бул туурасында Энергетика министрлигинин басма сөз кызматы билдирди.

Маалымдалгандай, 2025-жылы Ысык-Көл облусу боюнча жалпы 55 миң 923 акылдуу эсептегич орнотуу пландалган. Анын ичинен:

- Жети-Өгүз РЭТине 15 миң 600;

- Балыкыч РЭТине 8700;

- Ак-Суу РЭТине 10 миң 700;

- Каракол РЭТине 2223;

-Чолпон-Ата РЭТине 8100;

- Тоң РЭТине 10 миң 600 даана акылдуу эсептегичтер орнотулат.

"Ал эми январь айынан баштап облус боюнча 10 миң 333 акылдуу эсептегич орнотулду. Калгандары толугу менен жыл аягына чейин орнотулуп бүтөт", - деп айтылат маалыматта.

Автор: Замира Ниязбекова