"Гарри Поттер" тасмасындагы ролу менен таанымал Дэвид Брэдли тууралуу кызыктуу фактылар

"Гарри Поттер" жана "Тактылар оюну" (Game of Thrones) сериалдарында ролдору менен таанымал Дэвид Брэдли бүгүн, 17-апрелде 83 жашка толду. Дэвид - белгилүү англиялык актёр, 1942-жылы Йорк шаарында туулган. Ал өзүнүн карьерасында театр, кино жана телевидение тармактарында ар түрдүү ролдорду аткарып, эл аралык деңгээлде таанылган.

Балалыгы:

Дэвид Брэдли Йорк шаарында туулуп-өскөн. Жаш кезинде футболго кызыгып, сахнада ойноого эрте кызыга баштаган. 15 жашында театрда ойноо менен актёрдук карьерасына кадам таштаган.

Чыгармачылык карьерасы:

Дэвид Брэдлинин актёрдук карьерасы 1971-жылы башталган. Ал "Гарри Поттер" киносунда Аргус Филчтин, "Тактылар оюну" (Game of Thrones) сериалында Уолдер Фрейдин жана "Штамм" (The Strain) сериалында профессор Абрахам Сетракяндын ролдорун аткарып, кеңири таанылган. Ошондой эле, "Доктор ким" (Doctor Who), "Жашоодон кийин" (After Life) жана "Бродчёрч" (Broadchurch) сыяктуу белгилүү сериалдарда да роль жараткан.

Жетишкендиктери:

Дэвид Брэдлинин актёрдук чеберчилиги жана ар түрдүү ролдорду аткаруудагы ийгиликтери аны дүйнөлүк деңгээлде таанымал кылды. Ал өзүнүн ролдору аркылуу көрүүчүлөрдүн сүймөнчүлүгүнө ээ болуп, актёрдук чеберчилигин ар дайым жогорулатууда.

• 1991 - жылы"Лир падыша" (King Lear) спектаклиндеги ролу үчүн "Лоренс Оливье атынлагы сыйлыгы" (Laurence Olivier Awar) менен сыйланган.
• 2021 - жылы Гильермо дель Торонун "Аркадия окуялары" (Tales of Arcadia) анимациялык сериясында Мерлин каарманынын үнүн жараткандыгы үчүн "Энни" сыйлыгы (Annie Award)берилген.
• 2014-жылы "Бродчёрч" телесериалындагы ролу үчүн Британиянын Телевидение Академиясынын (BAFTA) "Эң мыкты экинчи пландагы актёр" сыйлыгын жеңип алган.

Белгилүү ролдору:

• Аргус Филч (Argus Filch) - "Гарри Поттер" (Harry Potter) фильмдеринде Хогвартс мектебинин кароолчусу.
• Валдер Фрей (Walder Frey) - "Тактылар оюну" (Game of Thrones) телесериалында Түндүккө чыккынчылык кылган лорд.
• Абрахам Сетракиан (Abraham Setrakian) - "Штамм" (The Strain) хоррор сериалында вампирлерге каршы күрөшкөн профессор.
• Уильям Хартнелл (William Hartnell) - "Доктор Кто" (Doctor Who) телесериалында биринчи Доктордун ролун жараткан.

Жакынкы фильмдери:

• "Пиноккио" (Guillermo del Toro’s Pinocchio, 2022) - Гильермо дель Торонун анимациялык фильминде үн коштогон.
• "Сенин Жаңы жылыңбы же менинби?" (Your Christmas or Mine?, 2022) - Британдык комедиялык фильмде роль жараткан.
• "Жөжөлөрдүн качуусу: Наггет таң заарында" (Chicken Run: Dawn of the Nugget, 2023) - Анимациялык фильмде Фаулер аттуу каарманды үнү менен жандандырган.

Телесериалдар:

• "Доктор ким" (Doctor Who) - Биринчи Доктордун ролун кайрадан жараткан.
• "Бродчёрч" - Жергиликтүү жамааттагы кылмыш окуяларын чагылдырган драмалык сериал.
• "Жашоодон кийин" - Рики Жервейс тарткан драмалык комедиялык сериалда роль жараткан.

Жеке жашоосу:

Дэвид Брэдли 1978-жылы Росанна Брэдли менен баш кошкон. Алардын үч баласы бар. Росанна Брэдли коомчулукта көп көрүнбөйт жана жеке жашоосу тууралуу маалыматтар аз. Дэвид да үй-бүлөсү менен жеке жашоосун купуя сактап келет.

Брэдлинин актёрдук чеберчилиги жана ар түрдүү ролдорду чагылдыруу жөндөмү аны дүйнөлүк кино жана телесериалдарда өзгөчө орунга ээ кылды. Азыркы убакта да актёрдук карьерасын улантып, чыгармачылык менен алектенип келет. Анын акыркы, жаңы роль жараткан тасмаларынын бири - "Франкенштейн" (2025). Гильермо дель Торо режиссёрлук кылган бул готикалык илимий-ужас тасмасында Брэдли белгилүү актёрлор менен бирге роль жаратат. Тасма Нетфликс (Netflix) аркылуу 2025-жылдын ноябрында чыгат.

17-апрелге карата жылнаама.