Алматыда марафондо чуркоо учурунда эки адам каза болду

Коңшу Казакстандын Алматы шаарында сатка айланган Almaty Half Marathon марафонунда эки катышуучу каза болду. Бул тууралуу Казакстандын жергиликтүү басылмалары жазышты.

Маалыматка ылайык, марафон учурунда тажрыйбалуу эки марафончу - 84 жаштагы Аккоян Рсалиев жана 21 жаштагы Нурбол Ахмади каза болгон.

Экөө тең жарышка көп жолу катышкан тажрыйбалуу марафончулар болчу. Аккоян Рсалиев 2021-жылдан бери марафондорго үзгүлтүксүз катышып, 21,1 чакырым жана 10 чакырым аралыктарды ийгиликтүү чуркап өтүп келген.

21 жаштагы Нурбол Ахмади буга чейин "Кышкы чуркоо-2025" мелдешинде 10 чакырымдык жарышка катышкан.

Ал эми бул жолу эки катышуучу тең 21,1 чакырым аралыкка чуркашкан. Рсалиев жарыштын 1-чакырымында эле өзүн жаман сезип жыгылган. Дарыгерлер келгенде эле анын пульсу жок экенин аныкташкан.

21 жаштагы марафончу 16-чакырымга келгенде эс-учун жоготуп жыгылган. "Тез жардам" кызматы келгенде ал дагы дем албай калган.

Марафондун уюштуруучулары маркумдардын жакындарына материалдык жактан жардам берүүнү пландоодо.

Автор: Азат Бейшенбеков