Алайдагы эл аралык айтышта баш байгени Чыңгызхан Кожошев алды

Бүгүн, 12-сентябрда Алай районунун Калама жайлоосунда Алымбек датканын 225 жылдык мааракесине арналган эл аралык айтыштын финалдык туру өттү. Финалга чыккан 8 жуп акындын арасынан Чыңгызхан Кожошев баш байгени жеңип алды. Бул тууралуу өкүлчүлүктөн билдирди.

Маалыматка ылайык, ага бүгүн кечинде Ош шаарынан бир бөлмөлүү батир тапшырылат.

Жыйынтыгында:

• 3-орун – Жылдызбек Төрөканов (200 миң сом),

• 2-орун – Кутман Садыбакасов (300 миң сом),

• 1-орун – Изат Айдаркулова (500 миң сом) алды.

Иш-чарага мамлекеттик катчы Марат Иманкулов, Ош облусунун башчысы Элчибек Жантаев, Жогорку Кеңештин депутаттары, чет элдик коноктор жана жергиликтүү тургундар катышты.

Автор: Айсулуу Урустамова