Израил күчтөрү Газа тилкесиндеги ок атышууну токтотуу боюнча келишимдин алгачкы этабынын негизинде 83 палестиналык туткунду бошотту. Бул тууралуу WAFA агенттиги кабарлады.
Ал эми ХАМАС буга чейин израилдик туткундарды Эл аралык Кызыл Крест комитетине өткөрүп берген.
АКШ президенти Дональд Трамп билдиргендей, келишимдин биринчи этабы 9-октябрда Египетте макулдашылып, 10-октябрдан тартып күчүнө кирген.