ЖӨНӨКӨЙ ЖАШОО ЭРЕЖЕЛЕРИ

• Сени бактылуу кылган нерседен акча аяба.

• Жактыбы – айт.

• Түшүнбөй жатасыңбы – сура.

• Жолуккуң келеби – чакыр.

• Керекпи – сура.

• Бүгүнкү күн менен жаша. Анткени кечээ өтүп кеткен, эртең болору белгисиз.

• Ката кетирдиңби, дароо моюнга ал да, кечирим сура. Өзүңдү актоо үчүн шылтоо издебе.

• Дайыма эсиңде болсун, ар кимдин өз чындыгы бар жана анын чындыгы сеники менен дал келбей калышы мүмкүн.

• Акылсыз адам менен талашпа, чындык далилдейм деп убара болбо.

• Эч кимге милдеттүү эмес экениңди унутпа жана сага да башкалар милдеттүү эмес экенин эсиңден чыгарба.

• Жашоодо эң негизгиси өзүңө таян, өзүңө ишен. Башкалардан үмүт этпе, ошондо түшүнбөстүк жаралбайт.

• Адамдардын сөзүнө эмес, ишине карап ким экенин талда.

• Жасай албаган нерсени жасайм деп убада бербе.

• Ишиңе ар дайым жоопкерчиликтүү бол. Ошол эле учурда сенин жоопкерчилигиңди жөнү жок колдонгондордон алыс жүр.

• Убакытка так бол. Өзүңдүн да, башканын да убактысын сыйлай бил. Сеникин сыйлабаган адамдан кач.

• Нерв болуу, ачуулануу – бул өзүң уу ичип алып, башканы качан өлөт деп күткөн менен барабар. Жөнү жок нерсеге нерв коротпо.

• Бирөөгө карыз болгондон корк. Карыз болсоң, бергенге шаш.

• Өзүңдүн маселеңе башканы күнөөлөбө.

• Аз сүйлө – көп ук.

• Бирөөнү сындагандан, көзү жокто ушактагандан алыс бол.

• Чымындан төө жасай бербе.

• Өткөндөн сабак ала бил.

• Күлкү – ден соолуктун мүлкү. Күнү бою күлгөнгө себеп изде, жыргап күл.

• Жакшы окуяларды, ойлорду жазып кой. Кийин окуган сайын жылуу сезимдер ойгонот.

12:54 15-06-2026

20:17 2026-06-16 | Коом жана турмуш

19:41 2026-06-16 | Коом жана турмуш

19:08 2026-06-16 | Коом жана турмуш

18:47 2026-06-16 | Коом жана турмуш

18:37 2026-06-16 | Түркүн дүйнө

18:28 2026-06-16 | Саясат

Архив

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.