Мастыктын кылдырганыбы? Ошто унаа айдап качып, жүктү кайрымдуулукка тараткан жаран кармалды

Ошто унаа уурдоого шектелген жаран кармалды. Шаардык милиция окуя бир ай мурун таңга маал болгонун маалымдады.

Шектүү ошол учурда мас болгон. Ал үйдүн короосунда токтоп турган Мерседес-Бенц Спринтер үлгүсүндөгү унааны эшигинин ачык турганынан жана ачкычы ичинде болгонунан пайдаланып айдап кеткен. Шектүү унаадагы 94 миң сомдук печенье азыктарын көчөдөгү жөнөкөй жарандарга кайрымдуулук катары таратып жиберген.

Андан соң, унааны Ноокат районундагы Көк-Жар айылынын көчөсүнө таштап кеткен.

Автор: Кылымбек Бейшеев
Фото: Ош ШИИБ