"Бишкек Аренада" көчмөндөр оюндарына масштабдуу даярдык көрүлүүдө (видео)

"Бишкек Арена" стадионунда VI Дүйнөлүк көчмөндөр оюндарынын ачылыш аземине карата масштабдуу даярдыктар көрүлүүдө.

Президенттин иш башкаруучусу Каныбек Туманбаев социалдык тармактагы баракчасына иш-чарага көрүлүп жаткан даярдыктарды чагылдырган видеону жарыялады. Анда Туманбаев президент Садыр Жапаровдун демилгеси жана колдоосу менен өлкө тарыхый барагын ачып жатканын белгилеген.

Айта кетсек, оюндардын ачылыш аземи 31-августта "Бишкек Арена" стадионунда өтөт. Ал эми оюндардын негизги бөлүгү Чолпон-Ата шаарында болот.

Быйыл эл аралык иш-чарага 100дөн ашуун өлкөнүн спортчулары катышары күтүлүүдө. Анда спорттун 43 түрү боюнча мелдештер өткөрүлөт. Учурда эл аралык иш-чарага кызуу даярдыктар көрүлүүдө.