Көчмөндөр оюндарына баргандар кандай коопсуздук талаптарды эске алышы керек?

1–6-сентябрь күндөрү Ысык-Көлдө өтө турган VI Дүйнөлүк көчмөндөр оюндарына миңдеген көрүүчүлөрдүн келиши күтүлүүдө. Ага байланыштуу Маданият министрлиги иш-чара өтүүчү жайларга кирүүдө коопсуздук талаптарын сактоого чакырууда.

Маалым болгондой, көрүүчүлөрдүн коопсуздугун камсыз кылуу максатында оюндар өтө турган аймактарда алып кирүүгө тыюу салынган буюмдар боюнча чектөөлөр киргизилген.

- Курал-жарак жана ок-дарылар

- Бычак, курч миздүү жана башка кооптуу буюмдар

- Жарылуучу заттар жана пиротехникалык каражаттар

- Күйүүчү, тез тутануучу жана химиялык заттар

- Спирттик ичимдиктер

- Айнек бөтөлкө жана башка айнек буюмдар

- Лазер көрсөткүчтөр

- Уруксатсыз дрондор жана учуучу аппараттар

Уюштуруучулар сапар алдында баштыктарды текшерип алууну сунуштайт.

Автор: Замира Ниязбекова