Министр Кулубаев ирандык кесиптеши менен Нью-Йоркто жолугушту

Тышкы иштер министри Жээнбек Кулубаев 24-сентябрда Ирандын тышкы иштер министри Аббас Аракчи менен жолугушуу өткөрдү.

Сүйлөшүүдө тараптар эки тараптуу кызматташтыктын актуалдуу маселелерин жана аймактык жана эл аралык күн тартибин талкуулашты.

Тараптар кыргыз-иран мамилелерин мындан ары чыңдоонун жана эки тараптуу кызматташтыктын артыкчылыктуу багыттары боюнча өз ара аракеттенүүнү активдештирүүнүн маанилүүлүгүн белгилешти.

Жолугушуу Нью-Йорк шаарында Бириккен Улуттар Уюмунун Башкы ассамблеясынын 81-сессиясынын алкагында орун алган.

Автор: Айжанар Рыспек кызы
Фото: ТИМ