Бүгүн, 3-ноябрда президент Садыр Жапаров Талас облусуна болгон иш сапарында Айтматов районунун 2021-2026-жылдар аралыгындагы социалдык-экономикалык өнүгүүсүнүн жыйынтыктары менен таанышты. Бул тууралуу президенттин басма сөз кызматынан билдиришти.
Маалыматка караганда, Айтматов районунун бюджети акыркы беш жылда 186 миллион сомдон 619,1 миллион сомго чейин өскөн. Ошондой эле аймакта 41 өнөр жай объекти ишке берилип, мектептерди, бала бакчаларды, медициналык мекемелерди, спорт залдарды жана маданий объекттерди камтыган 44 социалдык объект курулган.
Мындан сырткары, 61 чакырым жол асфальтталып, таза суу менен камсыздоо жана ирригациялык инфраструктураны жакшыртуу иштери жүргүзүлгөн.