"Электро" чокусунда тоңуп өлдү делген 15 жаштагы Амир Кунакуновдун өлүмү боюнча атайын комиссия жана прокуратура иштеп жатат. Бул тууралуу бүгүн, 11-ноябрда Жогорку Кеңештин төрагасы Марлен Маматалиев жыйында депутаттарга билдирди.
Төрага атайын комиссия, прокуратура жана Аскер прокуратурасы иш алып барып жатканын айтты.
"Иликтөөнүн жыйынтыгын күтө туралы. Бизге сөзсүз маалымат берилет. Маселени комитет жыйынында же парламенттин жалпы жыйынында да карайбыз",- деди төрага.