Бишкекте синтетикалык баңгизаттарды жашыруун жайларга катып, таратууга шектелген жаран кармалды. Бул тууралуу бүгүн, 12-ноябрда шаардык ички иштер башкы башкармалыгы билдирди.
Маалыматка ылайык, шектүү "допинг" аттуу ыкчам алдын алуу иш-чарасынын алкагында кармалган. Белгилүү болгондой, шектүүнү тинтүү учурунда анын жанынан жалпысынан 64 түйүнчөк алынды. Алардын жалпы салмагы 152 граммды түзөрү маалыматта кошумчаланды.
Бул факт боюнча кылмыш иши козголуп, шектүү убактылуу кармоочу жайга киргизилди. Учурда тергөө амалдары жүрүп жатат.