Ош шаарынын Төлөйкөн айылында 11 турак үйдүн короосун суу каптады. Бул тууралуу бүгүн, 12-ноябрда Өзгөчө кырдаалдар министрлигинин аймактагы башкармалыгынан билдиришти.
Маалыматка ылайык, суу "Алаберди" кум-шагыл майдалоочу заводунун аймагындагы суу топтоочу көлмөнүн тосмосунун түбүнөн агып чыккан.
"Окуя болгон жерге 21 куткаруучу, 2 адис жана 4 мотопомпа тартылып, сууну башка аймактарга жайылышына жол бербөө иштери жүргүзүлүүдө",- деп кошумчаланат маалыматта.