Бишкек шаарындагы "Ош базарынын" аймагында мыйзамсыз көчө соодасы фактылары аныкталды. Бул тууралуу бүгүн, 19-ноябрда Муниципалдык инспекция билдирди.
Текшерүүгө барган Муниципалдык инспекциянын жетекчиси Мирлан Таалайбеков (Царикаев) мыйзамсыз соода кылгандарга кайрылып, түшүндүрүү иштерин жүргүздү.
Таалайбековду көргөн соодагерлер, аны жылуу маанайда тосуп алып, айрымдары чогуу сүрөткө түшкөнгө жетишти. Ошол эле учурда анын каймана фамилиясынан чакырышып: "Царикаев, орун берчи, акчасын төлөйбүз",- деп өтүнгөндөр да болду.