Элчиликтин мындай билдирүүсү бүгүн, 9-октябрда Фейсбуктагы расмий баракчасына жарыяланды. Маңызы бир күн мурун АКШ элчилиги тараткан билдирүүгө окшош.
Буга чейин АКШ элчилиги Кыргыз Республикасындагы жарандарын сак болууга чакырып, расмий сайты аркылуу билдирүү тараткан. Сайттагы билдирүүгө караганда, октябрь айында чет элдик дипломаттарга карата террордук чабуулдар жана аларды барымтага алуу фактылары болуп кетиши мүмкүн экени айтылат. Мындан улам АКШ элчилиги жарандарын сак болууга, эл көп топтолгон жерлерге барбоого, коомдук жайларда коопсуздукту сактоого чакырган.
Ал эми Улуттук коопсуздук мамлекеттик комитети Бишкектеги АКШ элчилиги тараткан билдирүү иликтенип жатканын билдирди. Маалыматка караганда, элчиликтен УКМКга расмий билдирүү келген эмес.