Ыр сүйүүчүлөрү Аяна Касымова "Чагылган" ырында "күрмө" деген сөздү "түрмө" деп ырдап жатканын айтып чыгышты

Белгилүү "Чагылган" аттуу ырды жаш ырчы Аяна Касымова ырдап чыгары менен сынга кабылды. "Ырдын текстиндеги "баш катабыз бир күрмөнүн ичине" деген жерин "түрмөнүн ичине" деп ырдаган. Ыр жайыла электе радиолордон алынышы керек" деген сөздөр айтылган. Андыктан ырчынын апасы, менеджери, музыкант Аида Токтосуновага "Ырчы ырдап жатып ката кетириши мүмкүнбү же эл жаңылышып жатабы?" деп кайрылдык.

"Кечээтен бери биз да бул нерсени ойлонуп жатабыз. Мындан эки жума мурун кайсы бир редакциядан чалышып, бул тууралуу айтып калышты. Аяна "күрмө" деп эле ырдаган. Биз репетиция учурунда 100, жадакалса 1000 жолу кайталап ырдатканбыз. Анан студияга келип, ар бир сапты өзүнчө угуп чыктык. "К" деп айтканда катуураак угулуп калат, жумшак угулсун деп "г" деп айт дегенбиз. Аяна ырды алгандан кийин 2 айдай ырдап, жаттап жүрөт. Чогуу отуруп, ырдын ар бир сабын иштеп чыкканбыз.

Кантип эле түрмө менен күрмөнүн айырмасын билбей калалы? Өзүм кыргыз үй-бүлөсүндө чоңоюп, кыргыз мектебинен окуп бүткөн адаммын, андай ката кетирүүгө жол бермек эмесмин. Социалдык тармактарда жаш баланы абдан катуу сындап жатышат. Мен өзүмдүн балам болгон үчүн жан тартып жаткан жокмун. Музыканы түшүнгөн адам болгондуктан, ар бир чыгармага жоопкерчиликтүү мамиле жасайбыз.

Ыр өзүнчө, аранжировкасы өзүнчө жасалат. Мүмкүн, музыкалык децибелден улам кээ бирине "түрмө" деп угулуп жатабы, түшүнүксүз. Бул ырчынын туура эмес ырдап, кетирген катасы эмес, техникалык жактан улам ошондой угулуп жатышы да мүмкүн. Же бирөөлөр ашыкча эле ушул теманы ызы-чууга айлантып жибердиби, белгисиз. Эми кайра ырды жаздырып чыгабызбы деп ойлонуп жатабыз", - деп билдирди А.Токтосунова.

13:14 15-11-2016

Автор: Турсунай Алымкулова
Фото: Ырчынын өздүк <br> баракчасынан алынды

Жазылуу

РУБРИКАДАГЫ СОҢКУ КАБАРЛАР

22:37 2024-05-02 | Коом жана турмуш

Сузактагы кырсыктан жабыркагандардын саны 32ге жетти 621 0

22:18 2024-05-02 | Саясат

Садыр Жапаров шейх Мухаммад бин Заед Аль Нахайянга көңүл айтты 531 0

21:54 2024-05-02 | Коом жана турмуш

Жума күнгө карата аба ырайы 346 0

21:47 2024-05-02 | Коом жана турмуш

ИИМ Сузактагы окуя боюнча билдирүү таратты 1450 0

20:27 2024-05-02 | Коом жана турмуш

Студенттер жана окуучулар арасында сынак жарыяланды 389 0

20:00 2024-05-02 | Маданият, шоу-бизнес

Эстрада ырчысы Клара Алибекованын концертинен репортаж (видео) 1768 0

Архив

Комментарийлер (78)

Fragrance.1795

2016-11-15 23:36:13

Сопсоонун кылып "турмо"деп эле ырдаптыр. Кантип эле "т"менен "г" айырмасын билбей калалы. Коп эле создору окшобой калыптыр башка тыбыштар угулуп

tynara81

2016-11-15 23:37:02

Түрмө деп уктум мен дагы. Бул ырды Зейнеп эжебиз сонун ырдачу эле, анан менин бир курбум кызым ырдачу сонун кылып. Бул кыздын ырдаганы жаккан жок, башка ырлары деле жакпайт, угуп атып эле мен кыйналып кетем бул жакта. Эми күйөрмандары," укпай эле кой" деп чыгышыңар мүмкүн, ансыз деле укпайм, кээде учурап калат да интернетте алдыңдан, анан угуп каласың. Бирөө жазыптыр жогоруда, силерди ким тааныйт биринчи, ошончолук болуп алгыла биринчи дегендей. Аябай таланттуулар эле таанылып жатабы.

happy15

2016-11-15 23:52:46

жадатышты ушул ырчылар,баары эле эски ырларды бузушту,Аяна качан озун жаны ыр ырдап чыгасын,жетишет ар кимдин ырын ырдап журуш,кичине аракеттенсен.

rusi0005

2016-11-15 23:52:48

Жакшы ырдаптыр соз жок турмо эмес курмо деп жатад

-1

Emil0211

2016-11-15 23:59:53

Ошондуктан музыкалык билими барбар ырдасын,ХХХ апасы жумшагыраак угулсун деп ,,К,,тамгасын ,,Г,,деп айт деп.Бул анык ХХХ,башка соз жок,ушундай ХХХ чала артисттер жадатты

admin_portal

2016-11-16 09:56:01

Emil0211, кимдир-бирөөнү мазактоого, кемсинтүүгө, анын абийирине, кадыр-баркына шек келтирген билдирүүлөрдү жазууга тыюу салынат! Эскертүү!

Sema87

2016-11-16 03:05:33

Турмо эле дептир чала орус кыргызча анча билбейт окшойт кайсы турмого баш каттынар?

PatriotKG01

2016-11-16 03:33:08

Анда эмнеге бардык жерде к болуп угулган да именно ушул жерде т болуп угулуп калган?-деген суроо туулат да

Пифагор

2016-11-16 03:42:13

Курмо эле дептир ,слух кеткенго кобундо ,ошондой угулуп кетет экен десенер туура болмок

-3

Amanov

2016-11-16 09:37:02

Пифагор,өзүңүн слухуң кеткен го

fanatka19

2016-11-16 04:13:21

Кеңеш тобунун алтын шакек деген ырын уксаңар.ай ай ялындай деп ырдашкан.

aerforce

2016-11-16 12:56:29

зечкалар ырдаганга понт болуптурда ха ха ха

altyshka_23

2016-11-16 13:49:53

Чала Кыргыз

shayl2106

2016-11-16 16:02:21

чынында эле Аяна бугун атасы экоо КТРК га эртемен конокко келгенде турмо деп ырдап койгонун мойнуна алды..

33SUUN

2016-11-17 04:02:38

Орусту кыргызча ырдаткандай эле болуптур бул жагы.Ырдаганда комокойду кенен ачып,эркин ун менен ырдаш керек.Ошондо уккулуктуу болот.

-1

mishonia8077

2016-11-17 10:15:52

Бул кызга караганда Ю.Руцская,С.Назаренко.ж.б.орустар тагыраак ырдашат.Эмнеге уялбайсынар кыргыз болуп туруп кыргызчаны билбейсинер.Эски ырлардын баркын кетирип ё мё деп ырдайсынар,кыншылап.Энеси мактанып коёт кыргызмын деп.Чала киргизлер куйгузосунор да.

basyz-kaman

2016-11-20 22:03:37

Арабызда "Күрмөнүн" деп эле ырдаптыр деген ой пикирин жазган адамдар дагы бар экен. "Түрмөнүн" деп эле деп ырдаптыр го? Каратып туруп калп айтканды депутаттардан үйрөнүп алгансыңарбы?

Комментарий калтыруу үчүн өз ысымыңыз менен кириңиз же каттоодон өтүңүз.