"Супер сулуу-2016" сынагы менен коштолгон жылдын "Супер концертине" кош келиңиз!

3 күндөн кийин көпчүлүк күткөн "Супер концерт" өтөт. Учурда концертке карата кызуу даярдыктар жүрүп, ырчылар атайын дуэттерди жаздырып жатышат. Алсак, кечээ, 5-декабрда ырчылар Алина Жетигенова менен Айдана Дека "Кыздын сыры", Анжелика менен Дайыр Исмадияров "Кызыл гүлүм, ай" дуэттерин SUPER.KG порталынын колдонуучулары үчүн тартуулашкан. Ошондой эле Каныкей, Нурлан Насип, Жийдеш, Баястан жана Омар порталдын 10 жылдыгына карата "Super.kg'ге арноо ырын" аткарышкан.

"Супер концертте" кыргызга белгилүү ырчылар Гүлнур Сатылганова, Айгерим Расул кызы, Гүлжигит Сатыбеков, Нурлан Насип, Гүлжигит Калыков, "Non-Stop", "Кыз-Бурак", "Заман", "Добулбас" топтору, күлкү жаратуучулар Актан Рыскелдиев, Мыктыбек Мукаев, Нурсултан Курсанали уулу жана башкалар өз өнөрлөрүн тартуулашат. Концерт "Супер сулуу-2016" сынагы менен коштолот. Анда кыргыздын кымча бел сулуулары өздөрүн тааныштырып, көркөм басуу, чыгыш бийин бийлөө боюнча өнөрлөрүн көрсөтүшөт.

Учурда SUPER.KG порталынын Facebook, Инстаграм социалдык тармактарындагы расмий баракчаларында концертке 2 адамга чакыруу баракчалары ойнотулууда. 3 күн гана убакыт калды, андыктан чамдаңыздар!

Ал эми концертке билеттер сатылууда. Билеттерди Спорт Ордосунун кассасынан, "Супер-Инфо" гезитинин кеңсесинен (Фрунзе көчөсү-402), SUPER.KG порталынын кеңсесинен (Күрөңкеев көчөсү-180), "Ош базарынын" радио түйүндөрүнөн жана (0704) 44-11-20 телефону аркылуу сатып алсаңыз болот.

16:31 06-12-2016

SUPER.KG 10 жашта! 9-декабрь, Спорт Ордосу, Супер концерт!

Автор: Турсунай Алымкулова
Фото: SUPER.KG

Жазылуу

РУБРИКАДАГЫ СОҢКУ КАБАРЛАР

19:53 2024-05-12 | Маданият, шоу-бизнес

Бишкекте коңур үндүү Өзгөрүш Абакировдун поэзия кечеси өтүп жатат (видео) 24 0

18:31 2024-05-12 | Кылмыштар, кырсыктар

Ошто кызганычтан улам кыз сабалды. Милиция 23 жаштагы жигитти кармады 862 0

18:19 2024-05-12 | Түркүн дүйнө

Эрдоган АКШга пландалган сапарын жокко чыгарып, себебин түшүндүрдү 672 0

16:51 2024-05-12 | Кылмыштар, кырсыктар

Нарында апасы менен дарыянын жээгинде жүргөн 4 жашар кыз дайынсыз жоголду 1768 0

16:06 2024-05-12 | Түркүн дүйнө

Ооганстанда селден 300дөн ашуун адам каза болду 979 0

15:36 2024-05-12 | Спорт

Кыргыз волейболчулары Түркмөнстанга 3:0 эсебинде утулуп калды 653 0

Архив

Комментарийлер (5)

Musabaeva.

2016-12-06 16:36:23

Ырчыларга кундо той, кундо майрамго;)

tynar92kg

2016-12-06 16:41:31

Супер-инфо жааматы эмнеге сиздердин ушул жумадагы макаланар порталга жарыяланбай жатат... Куто берип тажап буттумго...

admin_portal

2016-12-06 16:55:28

tynar92kg, саламатсызбы? Толук маалыматты бул жактан алсаңыз болот http://www.super.kg/kabar/news/168419/

admin_portal

2016-12-06 16:56:34

adimyrza,порталдын же гезиттин ЖАЛПЫ ИШМЕРДҮҮЛҮГҮНӨ байланыштуу сын-пикирлер gazeta@super.kg же portal@super.kgэлектрондук даректерге жазылып жөнөтүлүшү керек.

kilim

2016-12-06 19:14:28

Админ Мирбек Атабеков катышабы

Комментарий калтыруу үчүн өз ысымыңыз менен кириңиз же каттоодон өтүңүз.