Токтогул ГЭСинде кайрадан ири авария болгонун айтат эксперт

Токтогул ГЭСинде үстүбүздөгү жылдын 15-декабрында ири авария болгонун отун-энергетика боюнча эксперт Расул Умбеталиев бүгүн, 21-декабрда билдирди.

Анын айтымында, ГЭСтин №2-гидроагрегатынын 2-трансформаторунун май толтурулган 500 кВттык жогорку басымдагы кабели зыянга учураган. Анын айынан 2-гидротурбина токтотулуп, 6 суткадан бери саатына 43 миллион 200 миң киловатт көлөмдөгү электр энергиясы өндүрүлбөй жатат.

"Электр станциялары" ачык акционердик коомунун жетекчилиги бул ири авария фактысын жашырып жатат. Аткаминерлер орусиялык кабелдик заводдун адистерин жашыруун түрдө чакыртышкан. Алар учурда авария болгон жерде. Өлкөбүздүн энергетикалык жана улуттук коопсуздугу менен түздөн-түз байланышкан окуя тууралуу маалыматтын жайылбашына аткаминерлер болгон күчүн жумшап жатышат. Мындай авариялар акыркы 10 жылда Энергетиктер күнү же Жаңы жыл алдында болууда. Андыктан тиешелүү кызматтар бул фактыны бүлүндүрүү аракетине байланыштыруу менен кылдат изилдеп чыгышы керек", - дейт эксперт.

2015-жылы 23-декабрда ушул эле гидроагрегат аварияга учураган, үстүбүздөгү жылдын 14-январында оңдолуп, ишке кирген. 28-декабрда №3-гидроагрегаттын трансформаторунун кабели бузулуп, орусиялык адистердин жардамы менен гана жазында ишке кирген.

Ошол кездеги өкмөт №2-гидроагрегатындагы авария жабдуулардын эскиришинен келип чыкканын айткан. Авария боюнча түзүлгөн комиссия, Мамлекеттик экологиялык-техникалык инспекциянын өкүлдөрү да ушундай эле жыйынтык чыгарышкан.

Эксперттин ою боюнча, бул аварияга адамдык фактордун да тиешеси бар жана аны аныктоо үчүн атайын комиссия түзүү керек.

13:45 21-12-2016

Автор: Үмүт Абдраимова

Жазылуу

РУБРИКАДАГЫ СОҢКУ КАБАРЛАР

22:03 2024-04-24 | Саясат

Баку шаарында Чыңгыз Айтматовдун эстелигинин ачылыш аземи болду 557 0

21:52 2024-04-24 | Коом жана турмуш

Бишкекте терроризмдин алдын алуу боюнча эл аралык конференция өттү 248 0

21:31 2024-04-24 | Коом жана турмуш

Бишкекте 20 жаштагы кыз дайынсыз болууда 1067 0

20:59 2024-04-24 | Кылмыштар, кырсыктар

Бишкекте ишкерди уурдап, 140 миң доллар талап кылган кылмыштуу топтун мүчөлөрү кармалды 1104 0

19:35 2024-04-24 | Кылмыштар, кырсыктар

Кадамжайда аткезчилик жол менен алынып келе жаткан жаңгак аныкталды 772 0

18:56 2024-04-24 | Саясат

Садыр Жапаров Азербайжандын президенти менен болгон сүйлөшүүлөр боюнча билдирүү жасады 1159 0

Архив

Комментарийлер (6)

nurbek11

2016-12-21 14:25:52

Бул эксперттердин колунан ХХХ иши келбейт дагы анан суйлой эле беришет.

Adil706070

2016-12-21 15:11:59

электр жабдууларын жаныртыш керек ,эскилиги жеткен эбак эле.о э ал жердеги кадрдык маселени да жонго салуу керек.окууну бутконуно бир аз убакыт болгон жаш балдар инженер болуп алганына тан каласын.тажрыйбасы аз ГЭСтин ичинде иштегенине бир аз убакыт болсо анан ушундай озунун ишин мыкты билбеген адистер узгултукко учуратпайт деп ким кепилдик бере алат.ишин жакшы билген тажрыйбасы коп жылдык инсандардан коюшса жакшы болмок

Adil706070

2016-12-21 15:16:20

Токтогул ГЭСинде дээрлик тааныш аркылуу ,туугандары аркылуу ишке орношкондор акыркы жылы коп байкалууда.ошонун кесепетинен дагы авариялык учурлар жыл санап кайталанууда.Ишке аларда экзамен алып канча жылдык иш тажрыйбасына жараша кызматка дайындаса туура болот эле.

A3A

2016-12-21 15:19:04

Багы жокко дагы жок!

A3A

2016-12-21 15:19:58

Багы жокко дагы жок!

maks83

2016-12-21 19:25:37

кочмондор ойундарын койуп ГЭСтин жабдууларын жаныртпайбы дейм да свет жок элге кыйын болот

Комментарий калтыруу үчүн өз ысымыңыз менен кириңиз же каттоодон өтүңүз.