Авиакырсыктан жүрөгү ооруп каза болгон жарандын жубайы: "Күйөөмдүн туугандары үйүбүздү өздөрүнө каттатып, жардамдын баарын алып жатышат"

Курулуш башкармалыгынын дачаларындагы учак кырсыгынан жүрөгү ооруп каза болгон Арзымамат Ташматовдун жубайы менен кызы бүгүнкү маалымат жыйында үйсүз калышканын айтып, жардам берүүнү суранышты.

"Жолдошум учак кырсыгы болгондо жүрөгү жарылып каза болду. Эми туугандары берилген жардамдарды талашып жатышат. Алар буга чейин берилген 500 миң сом жардамды жана дагы башкаларын алып жүрүшүптүр. Жолдошумду жерге берүү зыйнатына мени катыштырбай коюшту. Ортобузда 3 балабыз бар. Ош облусундагы үйүбүздү өздөрүнө каттатып алышыптыр. Ал эми тергөөчүлөр мага түшүнүксүз кагазга кол койдурушкан. Көрсө компенсация жана башка жардамдардан баш тарттым деген кагаз экен", - дейт Бүзуура Тагаева.

"Сокулук районунун акиминин орун басары кагып-силкип, "жардам алып жатасыңар го" деп элдин көзүнчө урушуп салды. Бирок биз эч кандай жардам алган жокпуз. Жардамды атамдын эжеси Зарипа Миталипова алып жүрүптүр", - деди маркумдун кызы Гүлшайыр Арзымамат кызы.

"Бул үй-бүлө жардамга муктаж. Аларда ашыкча каражат жок. Булардын бүгүнкү абалын коомчулукка алып чыгууну туура көрдүк. Бул үй-бүлөгө атасынын мурасы калыш керек. Ал эми чогулган каражаттан жардам берилиши керек", - деп билдирди жарандык активист Нургүл Усенова.

Бүзуура Тагаеванын 2 кызы, 1 уулу бар. Балдарынын кенжеси 16да, улуусу 22 жашта. Алардын Ош облусунун Араван районундагы үйү атасынын туугандарына өтүп кеткенин жакында эле билишкени айтылды.

12:15 22-03-2017

Автор: Акназар Сулайманкулов
Фото: Акназар Сулайманкулов

Жазылуу

РУБРИКАДАГЫ СОҢКУ КАБАРЛАР

11:53 2024-05-02 | Кылмыштар, кырсыктар

Аксыда 73 жаштагы жаран Нарын дарыясына түшүп кетти 38 0

11:39 2024-05-02 | Саясат

Акылбек Жапаров Ташкентке жетти. Аны Абдулла Арипов тосуп алды (фото) 81 0

11:34 2024-05-02 | Коом жана турмуш

ИИМ УКМК менен биргеликте баңгизатка каршы күрөштү күчөтүү боюнча кеңешме өткөрдү 69 0

11:23 2024-05-02 | Түркүн дүйнө

Грузия баш аламандыкка карабай “чет элдик агент” жөнүндөгү мыйзамды экинчи окууда кабыл алды 154 0

11:00 2024-05-02 | Кылмыштар, кырсыктар

Өлкө аймагында күчү 2,5 баллга жеткен жер титирөө катталды 177 0

10:59 2024-05-02 | Түркүн дүйнө

Орус аскерлери кайрадан Одессага чабуул коюшту 490 0

Архив

Комментарийлер (8)

Aytur

2017-03-22 12:22:49

Олгондун арты менен акча алуу куноого убалы тиетго

+18

gulmira12345

2017-03-22 12:24:10

аманатты кыянат кылбагыла 5 кунчулук жашоого алданбагыла сурак кунункунун ойлонгула

+10

meni_kut

2017-03-22 13:09:20

маркумдун эжеси бети жок экен

+14

Parish

2017-03-22 13:38:54

Ээ туура эмес болуп калыптыр, Эмне себептен акча болуштурулгондо маркумдун аялын чакырган эмес.
жээ бамак басты,коз кысты болуп кеттиби??
Эми эмне балдары менен каяка барат??

Bolunbo.kyrgyz

2017-03-22 13:47:12

Озу кызык немего окубайбы не бул деп

gulmira12345

2017-03-22 15:32:39

Bolunbo.kyrgyz,алдыраарга жаздыраар

arzygulR

2017-03-22 20:25:23

Тообо олук эч нерсе болбой қалдыго акчанын алдында

Aitunuk

2017-03-22 22:44:21

Туугандары тажыясына катыштырбаганына караганда күйөөсү экөөнүн ортосунда келишпестиктер бар окшойт да, же ажырашып кетишкен (официалдуу эмес, кыргызча). Болбосо, кантип эле жакшы жашап жүргөн үй-бүлөнүн оокатына туугандары ээ болуп алсын...Чужая семья - тёмный лес.

Комментарий калтыруу үчүн өз ысымыңыз менен кириңиз же каттоодон өтүңүз.