Генерал-полковник Абдыгул Чотбаев автокырсыкка кабылды. Бул тууралуу 2-сентябрда SUPER.KG порталына Чүй облустук Патрулдук милиция башкармалыгынан билдиришти.
Жол кырсыгы бүгүн Бишкек-Токмок трассасынын 35-чакырымында болуп, Чотбаев башкарып бараткан автоунаа каршы тилкедеги автоунаа менен сүзүшкөн. Кырсык тууралуу Патрулдук милицияга саат 17:30 чамасында маалымат түшкөн.
Генерал-полковниктин колу сынган, абалы орто деп кабарланды. Ал эми экинчи автоунаадан 2 адам каза тапкан. Жабыркагандарды "Тез жардам" кызматы ооруканага алып кетти.
Кырсык боюнча териштирүү башталды.
Абдыгул Чотбаев Кыргыз Республикасынын Улуттук гвардиясынын биринчи кол башчысы. Ооган согушунун ардагери. Өлкөнүн Куралдуу күчтөр тармагында көп жыл кызмат өтөгөн.