Балдары мектепке кабыл алынбай жатканын кабарлаган эне "Элдик кабардын" сентябрь айынын жеңүүчүсү болду

Бактыгүл Тиленбаева уулу менен.

Ар бир бала мектепте билим алууга укуктуу. Балдардын мектепке барбай калышына түрдүү социалдык көйгөйлөр себеп болушу мүмкүн. Алардын катарында коррупциялык схемалар да бар экени өкүнүчтүү.

Сентябрь айында "Элдик кабарга" 3 баласын мектепке киргизе албай жатканын айткан Бактыгүл Тиленбаева өткөн айдын жеңүүчүсү болду. Ал мектепке кабыл алуу үчүн №84-мектептин окуу-тарбия иштери боюнча директорунун орун басары ар бир баласына 2 миң сомдон сураганын билдирген эле.

Окурмандын билдирүүсү жарыяланган соң Билим берүү башкармалыгынын башчысы Сауле Мейрманова балдар мектепке кабыл алынарын айткан.

Бактыгүл Тиленбаева мурун үй-бүлөсү менен Тогуз-Торо районундагы Казарман айылында жашап турушкан. Азыркы тапта Бишкектин Ак-Ордо жаңы конушунда жашап жатышат. Өзү ашканалардын биринде иштеп күнүнө 450 сом аларын, каражат балдарынын күнүмдүк керектөөлөрүнө гана жетерин айтты.

"Биз айылда жашап жатканда балдарды мектепке кабыл алуу боюнча көйгөйлөр жок болчу. Өзүм деле айрым иштерге демөөрчү болуп калчумун. Бул жакка жайында келдик. Балдарымды өзүм карап жатам. Ашканалардын биринде иштеп тапкан айлык маянам балдарымдын жол киреси жана башка керектөөлөрүнө жетет. Окуу башталарда балдарымды мектепке киргизе албай жаттым. Балдарымдын атасы биз менен чогуу жашабайт. Жардам бер деп айтканымда ал да мектептерге барып жатты. Бирок киргизе албай интернеттен "Элдик кабардын" номерин алып байланыштым. Ар бирине 2 000 сомдон сураганда карызга акча алып болсо да киргизем деген ойлор болду. "Элдик кабарга" билдирүүм чыккандан кийин балдарым мектепке кабыл алынды. Азыр баары окуп жатышат. №84-мектептин окуу-тарбия иштери боюнча директорунун орун басары азыр 6-класста окуган баламдын класс жетекчиси экен. 4-класста окуган кызымдын классында ар кандай акча чогултуулардын жалпы суммасы 1900 сом болуп жатат. Мектептерде коррупция жоюлса жакшы болмок", - деди Бактыгүл Тиленбаева.

"ЭЛДИК КАБАРдын" 2017-жылдагы жеңүүчүлөрү:

2017-жыл, январь - кыргыз тилине туура эмес которулган афишалар тууралуу кабар жөнөткөн окурман (Бишкек шаары);

2017-жыл, февраль - Өзгөндөгү кооптуу ажаткананы айткан окурман (Өзгөн шаары);

2017-жыл, март - Өзгөн жолдорунун аң-чөнөктөрү топурак менен толтурулуп жатканы тууралуу кабарлаган окурман (Өзгөн району);

2017-жыл, апрель - Садыр Жапаровдун моюну кесилген сүрөтүн жиберген окурман (Бишкек шаары);

2017-жыл, май - Оштогу аттракциондун кулаганы тууралуу видеону жөнөткөн окурман (Ош шаары);

2017-жыл, июнь - Ананьеводогу жарылуу тууралуу видео жөнөткөн окурман (Ысык-Көл облусу);

2017-жыл, июль - Якутияда кыргыздар жашаган жатакана күйүп кеткенин кабарлаган окурман (Якутия).

2017-жыл, август - Туристтердин "Сулайман-Тоо" музейинин түштөнүүгө кеткен кызматкерлерин күтүп жаткандыгын кабарлаган окурман (Бишкек шаары).

Автор: Айпери Ганыжан кызы

11:12 02-10-2017

Жазылуу

РУБРИКАДАГЫ СОҢКУ КАБАРЛАР

08:49 2025-05-01 | Супер-Инфо

Агата Муцениеце: «Жумуш жок, бомж болуп каламбы деп корком» 101 0

08:23 2025-05-01 | Коом жана турмуш

Министрлик "Диамеддин" үч гемодиализ борборунун лицензиясын токтотту 570 0

08:09 2025-05-01 | Супер-Инфо

Өмүрзак Кайыпов, Кыргыз Республикасынын Эмгек сиңирген артисти: «Жаакка бир чапкансып жаман болчумун» 118 0

23:51 2025-04-30 | Спорт

Кыргыз күрөшү боюнча өлкө биринчилиги өтөт 335 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 1607 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1468 0

Архив

Комментарийлер (1)

madina.87

2017-10-02 12:25:29

Бишкекте 2000сомдон сураса аз сураптыр.Жалалабатта шаардын мектептери 5000сомдон алып анан киргизишет мектепке.
Быйылкы окуу жылында Россияга окутканы алып келдим кыздарымы.Экоону тен бир тыйын сурашпай эле эн жакшы мектебине кабыл алышты.
Эн сонун эле окуп жатышат.

Комментарий калтыруу үчүн өз ысымыңыз менен кириңиз же каттоодон өтүңүз.