Тышкы иштер министрлиги: "Самудинов менен Молдокадырова АКШда кармалды деген маалымат такталууда" (толукталды)

Тышкы иштер министрлиги жарандык активист Ренат Самудинов менен анын жубайы журналист Элнура Молдокадырованын АКШга мыйзамсыз барган жеринен кармалды деген маалыматты тактап жатат. Бул тууралуу бүгүн, 8-ноябрда SUPER.KG порталына аталган министрликтин басма сөз кызматы билдирди.

Айрым маалымат каражаттары Самудинов менен Молдокадырова 19-октябрда Мексика аркылуу АКШга кирүүгө аракет кылышканын бүгүн жазып чыгышты. Анда эки жарандын Америкага кирүү үчүн визасы жок болгондуктан, чек арачылар тарабынан кармалганы жазылган. Ошондой эле алардын саясий башпаанек сураганы айтылууда.

Учурда экөөнүн тең телефондору өчүк. Социалдык тармактагы баракчаларында 18-октябрдан тарта пост жазылган эмес.

Маалымат үчүн: Ренат Самудинов буга чейин КСДПнын жаштар канатынын жетекчиси катары таанылган. Самудинов президенттик шайлоого партиядан бир эле талапкердин аттанышына каршылыгын көрсөткөн. Анда партия Самудиновду катарынан чыгаруу чечимин кабыл алган. Буга анын ички тартипти бузуп, эч кандай ыйгарым укугу жок эле партиянын атынан билдирүү жасаганы себеп болгону жарыяланган.

Ал эми анын жубайы Элнура Молдокадырова КТРК каналында кабарчы болуп иштеп турганда эшек этинин чуусу боюнча материалы менен коомчулукка таанылган. Самудинов партиядан четтетилгенден кийин Молдокадырова жумушунда тоскоолдуктар болуп жатканын айтып, иштен кеткен. Бирок каналдын башкы директору Илим Карыпбеков эч кандай тоскоолдуктар болбогонун билдирген.

18:55 08-11-2017

Автор: Жылдыз Джускембаева

Жазылуу

РУБРИКАДАГЫ СОҢКУ КАБАРЛАР

17:48 2024-05-13 | Саясат

Садыр Жапаров акыйкатчы Жамиля Жаманбаеваны кабыл алды 48 0

17:46 2024-05-13 | Саясат

Тышкы иштер министринин орун басары Малайзиянын элчисин кабыл алды 41 0

17:44 2024-05-13 | Кылмыштар, кырсыктар

Баткенде чек арачылар 14,6 миллион сомдук аткезчилик жүктөрдү кармашты 93 0

17:12 2024-05-13 | Кылмыштар, кырсыктар

Ошто кызганычтан улам кыздын сабалышы: Жабырлануучу кыз видеону тараткандарга арыз жазды 548 0

16:59 2024-05-13 | Коом жана турмуш

"Көңүл айныткан жыт, сыры кеткен пол". Бишкектин базарларындагы дааратканалардын абалы (сүрөт) 298 0

16:51 2024-05-13 | Түркүн дүйнө

Арменияда Пашиняндын кызматтан кетишин талап кылган 134 демонстрант кармалды 276 0

Архив

Комментарийлер (10)

APCEH

2017-11-08 19:37:45

Булар ким?

Mr__Messi

2017-11-08 20:14:03

APCEH,
булар жанылык.

-5

ajdaaar

2017-11-08 21:06:42

APCEH, жигит СДПКнын жаштар канатынын торагасы экен эле, шайлоо алдындагы СДПКнын жыйынында Жээнбековду колдобой сын айтканы учун СДПКдан чыгарылган... Келинчегине да иштеген жери КТРден кысым болуп жумуштан бошоптур...

Менимче Соке менен бай атанардан кысым болуп Америкага качышкан го бир болсо...

Соке озуно каршы чыккандарды такка отурбай жатып жазалап баштады...

Соке, сен онолбойсун!!!

APCEH

2017-11-08 22:56:00

ajdaaar,Рахмат. Сооронбай жакшыдай эле көрүнөт. Кептин баары иниси Асылбекте окшойт.

Jazdyn_tany

2017-11-08 20:31:58

Эльнура Молдокадырова КТРКда журналист болчу...

APCEH

2017-11-08 22:56:00

Jazdyn_tany,Жооп үчүн рахмат.

NURSAPAR

2017-11-08 22:06:51

Куугунтук башталдыбы

Nazaralikarakulja

2017-11-08 22:10:07

Соке менен Алмаз чекеден тазалайт экенда ээми дин бузаар Эл бузарларды тазалай берсин бирок Садыр агабызга окшогон патриотторду чыгарып иштетсе жакшы болот эле

aylun

2017-11-09 14:44:51

Американын жарандыгын алыштын амалы да. Буларды тушуном, келечеги бар олкодо жашоону ким каалабасын.

surgeon777

2017-11-10 04:15:08

aylun,ошо да,кемпайга деле тушунуктуу бул аракеттери,пока Атамбаев иштеп турган учурда тийише коюп качсанар сразу качкын статусун аласынар))

Комментарий калтыруу үчүн өз ысымыңыз менен кириңиз же каттоодон өтүңүз.