Аида Салянованын жүрөк оорусу кармап калганына байланыштуу отурум түштөн кийинки убакытка жылды

Бүгүн, 30-декабрда Бишкек шаардык сотунда депутат Аида Салянованын кезектеги соттук отуруму уланды. Анда депутаттын жактоочусу Чынара Жакупбекова Салянованын жүрөк оорусу кечээ, 29-декабрда кармап, соттон отурумду узак убакытка дайындабоону өтүнгөнүн айтты.

"Аида Жеңишбековнада жүрөк оорусу пайда болду. Ал кечээ ооруп, бүгүн ооруканага кайрылган. Доктурлар анда жүрөк оорусу жаралганын, жүрөгүнүн 3 клапанында кемтик пайда болгонун айтты. Азыр дагы ал бейтапканада ден соолугуна байланыштуу жүрөт. Ага врачтар жүрөк клапанынын өнөкөт ичкерүүсү деген диагноз коюшту. Ал буга чейин соттон отурумду 1 күн бою убакытка созбоону, тыныгуу менен өткөрүп турууну өтүнгөн", - деп врачтардан алынган маалым катты сотко көрсөттү.

Ал эми мамлекеттик айыптоочулар ал кечээ эле жакшынакай жүргөнүн айтып, соттук отурумду улантууну соттон сурашты. "Ал кечээ соттук отурумга келип кетпеди беле? Бул маалым катты кайсы учурда алып жетиштиңер?" деди. Залда отурган соттолуучунун тарапташтары отурумду жылдырууну талап кылып жараянда ызы-чуу чыгып, кайым айтышуулар орун алды. Мамлекеттик жактоочулар соттон аларды чыгарып жиберүүнү өтүндү.

"Адам ооруш үчүн атайын даярданып туруп оорумак беле? Оору менен өлүм деген капыстан келет. Анын башында инисинин өлүмү, өзүнүн соттук иштери тууралуу көп маселе турат. Мындай оорчулук менен адам ооруп калышы турган иш. Эмнеге маалым катка ишенбей жатасыңар?" - дешти залдагы тарапташтары.

Мындан соң аларды отурумдан чыгаруу аракети көрүлдү. Маалым катты текшерүү үчүн соттук отурум убактылуу токтотулуп, саат 2де кайра улантылмай болду.

Эскерте кетсек, Салянова "Юстиция министри болуп турганда кылмыш жасаганы үчүн издөөдө жүргөн Алексей Елисеевдин адвокаттык лицензиясын узарткан" деп айыпталып, 10-октябрда Ленин райондук соту тарабынан күчөтүлгөн тартипте 5 жылга эркинен ажыратылган. Сот өкүмү анын 2 жаштагы наристеси 14 жашка толгондо күчүнө кирет. Бул чечимге нааразы болгон Салянова шаардык сотко даттанган.

13:00 30-12-2017

Автор: Гүлжан Асанкожоева

Жазылуу

РУБРИКАДАГЫ СОҢКУ КАБАРЛАР

09:29 2024-05-02 | Кылмыштар, кырсыктар

Бишкекте интим кызматын көрсөтүп келген сауна аныкталды (видео) 197 0

09:22 2024-05-02 | Түркүн дүйнө

Дагы бир өлкө Израиль менен дипломатиялык мамилесин үздү 335 0

09:11 2024-05-02 | Түркүн дүйнө

"Унуттуңбу?". Лукашенко министрди талаада колу менен топурак каздырды (видео) 533 0

09:08 2024-05-02 | Коом жана турмуш

Таласта селдин кесепеттерин жоюу, алдын алуу иштери көзөмөлгө алынды 115 0

21:52 2024-05-01 | Маданият, шоу-бизнес

Азиз Батыровдун шакирттери эл аралык сынакка катышат 647 0

21:38 2024-05-01 | Коом жана турмуш

Дайынсыз болуп жаткан 12 жаштагы Раатбек аман-эсен табылды 1220 0

Архив

Комментарийлер (13)

NIkalike

2017-12-30 13:08:01

Жаш баласы менен куйоосун соттоп, биртууганын олтуртуп коюп, жагы жылда ыр чыгарып, досуна камкор болуп,ооз учу менен "акты-ак, караны-кара" дегенге да жаратканым жазасын берет.

Kojo1995

2017-12-30 15:15:00

Аидага асылганыңарды качан токтосуңар. ашанын орду түрмөдө болчу

Kattaldym

2017-12-30 13:25:01

жараянда ызы-чуу чыкканы эмнеси?)

kamchatka

2017-12-30 13:32:44

Таба эмес тообо бирок бир кездерде Аида айымда ушинтип коп адамдардын журогун ооруткан эми озу ошол акыбалга тушуп олтурат.Бул жашоо бумеранг экен билип туруп зулумдук кылып аткан Атасыбайдын баласында жакында коро жатарбыз!!!

-4

Kattaldym

2017-12-30 13:41:01

Кечээ эле жакшына жургон дегендери жакшы экен. Кечээ жакшына жургондор бугун ооруп калмак тургай олуп калып атышат го?

ady-88

2017-12-30 13:49:49

Ушул чондор сот болоордо эле ооруп калат да э. Не чондор силер ооруну заказ менен кыласынарбы тан калам да эй. Аида айым убагында коп катачылыктарды кылган Эми жооп берсин.

muslim87

2017-12-30 14:24:25

ady-88,бирөөнүн оорусуна сын айтпа ошол нерсе сенде жок экенине шүгүр кыл. Аида айым дагы күчтүү экен, мындан башка аял болгондо алда качан кан басымы көтөрүлүп төшөктө жатып калмак же о дүйнөгө аттанып кеткен болмок. Аида айымга сабыр жана бекем ден соолук каалайм.

Mers124

2017-12-30 14:23:43

Мыйзамды буздун деп эмес, бузбадын деп соттогон соттор да болот экен э.

-3

kechirmeni

2017-12-30 14:49:38

олтуруп анан тынчып отуруп калат окшойсунар инисин олтургондой

Nevestkaa

2017-12-30 15:29:42

Чындыгында ден соолугуна чоң нагрузка болуп кетти да бир боорунун өлүмү эки күндүн биринде сотто жүрсө Аида оорубай мен ооруймунбу?Жакшы болуп кетсин күнөөлүү болсо жазасын алсын.(бийликтин куйругун тебелегендерди эле камап атышат )

Makain

2017-12-30 16:13:19

Убагында да Аида кооп адамдарды сыздатып журокторун ооруткан Эми ошолорду озу тушунуп турат

-2

Azatbek83

2017-12-30 18:58:45

Жуктун ээсин таап сотогула!Эчким айтпасада В.В.Путиндин алдында эки жолку Революцииянын лидеримин мультимиллионермин деди акчаны каяктан алган канча жан кыйылды?! Качан аны соттойсунар?!Ошодон баштаснар ошондо Адилеттуу сот экен туура кылып жатат дейт элек.120 жепжутаттарды болсо соттобой эле ажо примерине кошуп камап салыш керек ошондо Акыйкат болот!!!!

Nurbollot

2017-12-30 19:36:55

Эки түрдүү көз карашта карасан азыркы бийликтин куугунтукка алганы. Негизи Аида айым кылган иши үчүн башта эле жооп бериш керек эле Азиз Батукаев качканда озү иштеп атканда да көбүн камаган болчу

Комментарий калтыруу үчүн өз ысымыңыз менен кириңиз же каттоодон өтүңүз.