Өмүрбек Текебаев ооруканада текшерүүдөн өтүп, абакка кайтарылды. Жанар Акаев нааразы

Экс-депутат Өмүрбек Текебаев жүрөк оорусуна байланыштуу 10-апрелде Улуттук кардиология жана терапия борборунда текшерүүдөн өттү. Дарыгерлер текшерүүнүн жыйынтыгы 11-апрелде чыга турганын айтышты.

Маалым болгондой, Текебаевдин саламаттыгын текшерүүгө эл өкүлдөрү менен адвокаттар киргизилген жок.

Депутат Жанар Акаев "Текебаевди кайтаруу абдан күч болуп, УКМКнын өкүлдөрүнүн бөлмөгө улам кирип-чыкканы бизди тынчсыздандырды" дейт.

"Текебаевди ооруканага алып келишкенде биз ошол жакта болдук. Абдан катуу кайтарууда жүрдү. Бизди таң калтырганы Улуттук коопсуздук кызматынын өкүлү дарыгерлер текшерип жаткан бөлмөгө улам кирип-чыгып жатты, жактоочулар 7 жолу кирип-чыкканын эсептептир. 1 жылдан бери түрмөдө жатса, жүрөгүнүн ооруп жатканын көргөндөн кийин, ага бир аз адамгерчиликтүү мамиледе болуш керек эле да.

Дарыгерлер текшерип бүткөндөн кийин "баары жакшы экен" дешти, бирок мунун баары эле кысым менен болгондой сезилет. Дарыгерлер деле жаткырабыз деп жатат. Бирок Өмүрбек Текебаевди кайра алып кетип калганы күтүүсүз болду. Адамга мынчалык адамгерчиликсиз, кара ниеттик мамиле кылган болбойт. Ооруп жатса, жок дегенде 10 күн дарылатып коюшса болмок. Мен ойлойм, дагы алып келип, текшерүүдөн өткөрүп, дарыланганга мүмкүнчүлүк бериш керек”, - деди Акаев.

Ал эми Жазаларды аткаруу мамлекеттик кызматынын басма сөз кызматы ооруканада Текебаевдин анализдери алынганын билдирди. "Жыйынтыгы 11-апрелде чыгат. Дарыгерлер консилиумга чогулуп, Текебаевдин дарылануусу боюнча жыйынтык чыгарышат. Ал эми Өмүрбек Текебаев күчөтүлгөн тартипте эмес, стандарттык коштоодо барган. Аны дарыгерлер да коштоп жүргөн", - дешти ЖАМКтан.

Буга чейин коомдук ишмерлер жана саясатчылар Текебаевдин дарылануусуна шарт түзүп берүү үчүн президентке, премьер-министрге жана парламенттин спикерине кайрылуу жөнөтүшкөн.

Белгилей кетсек, 2017-жылы 16-августта Бишкек шаарынын Биринчи Май райондук соту Өмүрбек Текебаевди жана мурдагы элчи Дүйшөнкул Чотоновду ар бирин 8 жылга эркинен ажыраткан. 2-октябрда Бишкек шаардык соту, 21-ноябрда Жогорку Сот Текебаев менен Чотоновго карата Биринчи Май райондук сотунун өкүмүн күчүндө калтырган.

Өмүрбек Текебаев ооруканада текшерүүдөн өтүп, абакка кайтарылды

Автор: Бактыяр Кыдыралиев
Фото: Бактыяр Кыдыралиев

07:34 11-04-2018

Жазылуу

Тектеш кабарлар:

Садык Шер-Нияз депутаттарга: "Текебаев менен Чотоновдун тагдыры баарыбыздын башыбызга келип калышы мүмкүн"

"Текебаевдин иши тууралуу адам укугу боюнча эл аралык уюм иликтөөгө алат" дейт Таалайгүл Токтакунова

Текебаевди ырайым кылууну өтүнүп Жогорку Кеңештеги фракция жетекчилери менен Утурумдук Өкмөттүн төрайымы президентке кайрылышты

Алмазбек Атамбаев: "Мыйзамды бузуп эле Текебаевди каматтырбай койсом болмок экен деген бир өкүнүч бар"

Ооруканада жаткан Текебаевге апасы жолукту

Өмүрбек Текебаев ооруканада текшерүүдөн өтүп, абакка кайтарылды. Жанар Акаев нааразы

Өмүрбек Текебаевдин соту 21-августка жылдырылды (видео, хронология)

Текебаев Жээнбековдун "ырайым сураса, берейин" деген сөзүнө жооп кайтарды

Жогорку Кеңештин бир нече депутаттары Өмүрбек Текебаевди түрмөдөн ооруканага которууну суранышты

ЖАМК: "Текебаевди дарылоо №47-колонияда улантылат"

РУБРИКАДАГЫ СОҢКУ КАБАРЛАР

18:53 2025-05-02 | Түркүн дүйнө

АКШ армиясы Трамптын туулган күнүнө карата аскердик парадга даярдана баштады 1082 0

18:08 2025-05-02 | Коом жана турмуш

Жеңиштин 80 жылдыгына карата өтүүчү парадга даярдыктар жүрүүдө (сүрөт) 962 0

17:46 2025-05-02 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 3621 0

17:30 2025-05-02 | Коом жана турмуш

Садыр Жапаров Ысык-Көлдөгү жейренди көбөйтүү долбоору менен таанышты (сүрөт) 1122 0

17:14 2025-05-02 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 1805 0

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 709 0

Архив

Комментарийлер (12)

Akshumkar

2018-04-10 16:57:54

Омурбек Текебаев Нелсон Манделадай болуп президент болот го деп ойлоп турам.

+14

Adiletia

2018-04-10 19:38:22

Сокенин колунан эч нерсе келбей койго окшоп ашанын айтканын аткарып жүрө бере турган болсо кетириш керек болот

nurhan2702

2018-04-11 13:12:16

Adiletia,чекеден тазалап атат окшойт. АШАнын адамдарын тазалап. Бирок ага чейин Текебаевдин ден соолугу жакшы болуп турса экен деп ойлоп атам

nemo2016

2018-04-10 17:02:52

Текебаев Эл сиз мн

+17

zhaku2017

2018-04-10 17:05:08

Буту менен басып, мурду менен бышкыргандын баары эле адам боло бербейт.

Ermekbai

2018-04-10 17:06:28

Президен кылып шайлап беркинин жегендерин өзүнө төлөтүш керек. Мисалы келечекте карыз кайтарчуу күн келет мен кантип төлөйм. Бир адам төлөбөйтго эл төлөйт а эл кантип төлөйт.

jbolotov

2018-04-10 19:08:56

Нелсон Монделла болуш учун жапайы мамлекетти ядролук куралы бар мамлекетке айланткан адам болуш керек, Текебаевинер озуннун кызыкчылыгы учун бутундой мамлкетти дистабилдуулуко алып келген окуяларын билебиз. Атамбаев экоо тон камалатурган кишилер булар.

-1

Tolkun555

2018-04-10 19:46:49

Текебаевдин камалганын мен колдойт элем.бирок ден соолугу жакшы омуру узун болсун.

-2

nurhan2702

2018-04-11 13:10:17

Tolkun555,эмне кылган куноосуно камалды. Айтып бере аласынарбы?

bakulya2015

2018-04-11 00:37:02

Буйруса Сооронбой Жээнбеков ойлонуп корсо керек бул иш боюнча. Элди ойлосо жакшы болмок.

admin_portal

2018-04-11 12:16:42

Mamiev, Порталдын ЖАЛПЫ ИШМЕРДҮҮЛҮГҮНӨ байланыштуу сын-пикирлер же сунуштар болсо portal@super.kg электрондук дарегине жазылып жөнөтүлүшү керек.

nurhan2702

2018-04-11 13:14:39

Аллах озу шыпаасын берсин Текебаевге. Куноосуз каматкандарды жазасын берсин демекчимин

Комментарий калтыруу үчүн өз ысымыңыз менен кириңиз же каттоодон өтүңүз.