УКМК Аскарбек Шадиевдин АКШда экенин аныктады

Улуттук коопсуздук мамлекеттик комитети мурдагы биринчи вице-премьер-министр Аскарбек Шадиевдин кайда экенин аныктады. Бул тууралуу аталган мекеменин басма сөз кызматы билдирди.

Маалыматка караганда, Аскарбек Шадиев өзүнө карата кылмыш иши козголгондон кийин 28-апрелде Хожент-Москва аба каттамы аркылуу Москва шаарындагы Домодедово аба майданына учуп барып, андан ары Кыргыз өлкөсүнүн дипломаттык паспорту менен Нью-Йоркко учуп кеткен.

"Аскарбек Шадиев 27-апрель күнү Исфана шаарында жакынын жерге берүүгө катышып, андан ары Лейлек районунун Арка айылынан мамлекеттик чек арадан мыйзамсыз (суу кечип) өткөн. Анын жакын туугандары дарыланууга кеткенин айтышууда. Бирок тергөө органдарына кайрылбагандыгы үчүн издөө жарыяланды", - деп жазылган билдирүүдө.

Айта кетсек, 28-апрелде мурдагы вице-премьер Аскарбек Шадиевге Жогорку Кеӊештен 30 миӊ доллардын уурдалышы боюнча кылмыш иши козголгон. Кылмыш-жаза кодексинин "кызматтык абалынан кыянаттык менен пайдалануу" беренеси менен кылмыш иши ачылып, Шадиевге "2017-жылы Чыӊгыз Айтматов атындагы сыйлык берилбей турганын билип туруп, ушул сыйлык үчүн 30 миӊ долларды бөлүү боюнча парламент төрагасына кат жөнөткөн" деп айып тагылууда. Башкы прокуратура козгогон бул иш боюнча материалдар УКМКга өткөрүлүп берилип, тергөө башталган.

Кечээ, 31-майда Бишкектин Биринчи Май райондук соту депутат жана мурдагы биринчи вице-премьер-министр Аскарбек Шадиевдин баш коргоо чарасын карап, аны УКМКнын убактылуу кармоочу жайына камоо боюнча сырттан чечим чыгарган.

Аскарбек Шадиев АКШга кетүү үчүн чек арадан суу кечип өткөнбү?

Автор: Сталбек Абдижалил уулу

08:01 02-06-2018

Жазылуу

Тектеш кабарлар:

"Шадиев жүрөк оорусунан дарыланып жүрөт" дейт жактоочусу

Депутат Аскарбек Шадиев мандатынан качан ажыратылышы мүмкүн экендиги айтылды

Аскарбек Шадиевдин иши боюнча дагы бир кылмыш иши козголду

Прокурор соттон экс-депутат Аскарбек Шадиевди 11 жылга эркинен ажыратууну сурады

"Мен тазамын". Шадиев билдирүү жасады

Жогорку Кеңеш депутат Аскарбек Шадиевди мандатынан ажыратуу боюнча БШКга кат жөнөтө элек

Биринчи вице-премьер Аскарбек Шадиев УКМКга сурак берди

Аскарбек Шадиев биринчи вице-премьерликтен кетүү тууралуу арыз жазды

Аскарбек Шадиевдин иши боюнча кийинки 3 соттук кароонун күндөрү белгиленди

Коргоо кеңешинин катчысы: "Аскарбек Шадиев өлкө ичинде"

РУБРИКАДАГЫ СОҢКУ КАБАРЛАР

08:49 2025-05-01 | Супер-Инфо

Агата Муцениеце: «Жумуш жок, бомж болуп каламбы деп корком» 101 0

08:23 2025-05-01 | Коом жана турмуш

Министрлик "Диамеддин" үч гемодиализ борборунун лицензиясын токтотту 570 0

08:09 2025-05-01 | Супер-Инфо

Өмүрзак Кайыпов, Кыргыз Республикасынын Эмгек сиңирген артисти: «Жаакка бир чапкансып жаман болчумун» 118 0

23:51 2025-04-30 | Спорт

Кыргыз күрөшү боюнча өлкө биринчилиги өтөт 335 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 1607 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1468 0

Архив

Комментарийлер (49)

Дарыгер

2018-06-01 16:41:42

Элдин баары билет качканын. УКМК билбей калганын кара. Интернети жок окшойт УКМКанын)))

taku1414

2018-06-01 17:41:57

Айласы канча сыртынан камап, сыртынан соттой берет омур бою деп.

jakilik

2018-06-01 20:21:14

Түшүнбөдүм 28 апрелде кеттиби??? Же 27 майда кеттиби???

a.sheralievic.91

2018-06-01 20:45:56

Шадиев мультимиллиардер Сотту, УКМКны жөн эле сатып алып өлкөдөн чыгып кетет

Meni_unut

2018-06-01 23:13:41

УКМК караганда участковыйлар да жакшы иш алып барат

nazi25

2018-06-02 09:08:31

Неге ошончо акчаны жеген убакта сразу билишпейт?Кийин кийин чукуп чыгышат.

aksy94

2018-06-02 09:58:30

Кече эле укмк коокуй ал эч жака кетпеген ушул жерде деп атпады беле

ma2as

2018-06-02 21:10:24

aksy94, Туура ошентип жаткан . Жаш баладай эки суйлогон , бир а бир кун б деген , оздорун дагын текшериш керек ..

Firdaus-Muslim

2018-06-02 12:37:46

КРнын УКМКсына нөл деген баа бергим келет. Дагы качыргыла.

ruslanz

2018-06-02 14:43:28

Болду карматпайт,каалашынарча соттой бергиле.Качып кетпеш учун камай туруш керек болчу.Мумкун качырып да жибердинерби,Лейлекте экенин аныктай албай,америкада экенин аныктаган.

ma2as

2018-06-02 21:08:59

УКМК откондо эле кыргызстанда эч жакка чыгып ктекен жок деп актанып атты эле , кыргызстанда эмес деген создорго .

ma2as

2018-06-02 21:14:59

https://www.super.kg/kabar/news/233767/

ma2as

2018-06-02 21:16:31

Окууп корунуздор. Оздоруно ишенбейсин кээде .

surgeon777

2018-06-03 00:29:05

УКМКга тиешелуу макаланын талкуусу ачык го ыя?)))

Jelezo

2018-06-03 17:39:19

Антарктидага кетип кал ал жакта прокуратура жок кармай албайт

Rakyl12

2018-06-04 10:32:33

Арка айылына барсан чек аранын озу жок, чон жолдун озу чекара нары бери отуп журо бересин, тушку тамактанууга барып келесин кошуна олкого. Анан кайдагы суу кечип отуу, чек араны жакшылап тосуп алгыла анан мыйзамсыз отту десе жарашат.

Asyl10

2018-06-04 16:22:52

Ой байкуш мултимиллиардер Аскар Шадиев бутун тондуруп суу кечип кыйналган турбайбы. Эми АКШда эс алып жашасын. Кыргызстанды талап-тоноп, карызга тыгып качып кетти. Эл душманы, саткын деген клеймо тагыш керек мындайларга. Уурдап, качып кутулуп кете беришет экен да № 1- коррупционерлер. Шадиевдин кетенин баары билип УКМК эле билбей калганы кызык болуптур.Баардыгы пландалган УКМК прекрасно билген качып кетип жатканын. Элди келесоо ойлоп ар нерсе деп башты айландырышат.

Комментарий калтыруу үчүн өз ысымыңыз менен кириңиз же каттоодон өтүңүз.