КТРКнын директорлугуна Жайнак Үсөн уулу шайланды. Ага Байкоочу кеңештин 13 мүчөсү добуш берди

КТРКнын директорлугуна Жайнак Үсөн уулу тандалды. Бүгүн, 6-мартта Байкоочу кеңештин мүчөлөрү талапкерди тандоо жыйынында жашыруун добуш берүү өткөрдү.

Анын жыйынтыгында Жайнак Үсөн уулу Байкоочу кеңештин 13 мүчөсүнүн добушуна ээ болду. Болотбек Тиллебаевге 1 добуш, Галина Байтерековага 1 добуш берилген. Байкоочу Кеңештеги жалпы 15 адам добуш берүүгө катышты.

КТРКнын башкы директору 19-мартта ишине киришет.

Буга чейин талапкерлердин бири Мирлан Самыйкожо талапкерлигин алып салып, Байкоочу кеңешти акыйкат чечим кабыл алууга чакырган.

1-мартта Байкоочу кеңеш 17 талапкердин программасын угуп, жыйынтыгында Адил Турдукулов, Сураган Босумбаева, Ибраим Нуракун уулу, Мирлан Самыйкожо, Галина Байтерекова, Жайнак Үсөн уулу, Замирбек Казакпай уулу жана Болотбек Тиллебаевди финалдык турга өткөргөн.

КТРКнын директору болууга алгач 22 адам арыз берген. Бирок Жылдыз Муслимова, Элдар Аттокуров жана Бөлөкбай Шеримбековдун документтери толук болбой калганы үчүн жарыштан четтеп калышкан. 28-февралда телеканалдын учурдагы директору Илим Карыпбеков кайра директор болуудан баш тартып, арызын кайтарып алса, дагы бир талапкер Каарманбек Кулуев маектешүүнү скайп аркылуу жүргүзүүнү айткандан кийин тизмеден чыгарылган.

Жайнак Үсөн уулу 44 жашта. Буга чейин НТС телеканалын жетектеп келген. Андан мурун "Санариптик технологиялар" ЖЧКсынын башчысы болгон. Бишкектеги Кыргыз мамлекеттик улуттук университетинен жана Москвадагы эл аралык бизнес институнун стратегиялык башкаруу бөлүмүнөн билим алган.

Үй-бүлөлүү, 1 кыз, 2 уулу бар.

15:47 06-03-2019

Автор: Кызжибек Раимова

Жазылуу

РУБРИКАДАГЫ СОҢКУ КАБАРЛАР

17:40 2024-05-05 | Коом жана турмуш

"Жаан жаайт". 6-майга карата аба ырайы 79 0

16:27 2024-05-05 | Коом жана турмуш

Кыргызстан менен Өзбекстандын чектешкен аймагында жер титиреди 412 0

16:16 2024-05-05 | Коом жана турмуш

Этникалык кыргыздарга окуу жайлардан 75 орун берилди 182 0

15:03 2024-05-05 | Коом жана турмуш

Шашылыш билдирүү: Бишкек менен Чүйдө катуу шамал болот 464 0

13:54 2024-05-05 | Маданият, шоу-бизнес

Бишкекте “Король Лир” спектаклинин премьерасы өттү (сүрөттөр) 294 0

12:27 2024-05-05 | Саясат

Нурланбек Шакиев кыргызстандыктарды 5-май – Конституция күнү менен куттуктады 232 0

Архив

Комментарийлер (15)

Mars575

2019-03-06 15:48:56

Ким бул, ким эле

Mars575

2019-03-06 15:49:21

Кайдан келген кыраан жана эмнени кыйратып салат экен

bek.94

2019-03-06 15:56:31

Бийликтин чабарманы экенда ким болсо дагы

Qwer007

2019-03-06 15:58:05

Адил Турдукулов татыктуу эле

Erik2018

2019-03-06 16:05:30

Байкоочу кеңештин бардык мүчөлөрү бир добуштан колдоп жатышты. Мындан ары Жайнак Үсөн уулу эми КТКРны ар тараптуу маалымат менен өнүктүрөт деген ойдомун. Кантсе да НТС алдынкы каналдардын бири эмеспи.

Mamiev

2019-03-06 16:13:34

Биздин өлкөдө татыктууну эч качан шайлабайт

Murok

2019-03-06 16:34:34

Илимди неге кетиришти

-3

Samat777

2019-03-06 17:48:51

Илим дагы иштесе болмок. КТРКны гүлдөтүп келе жатты эле. Илим татыктуу иштеди. Келечекте президент болчу жигит

-5

Mamiev

2019-03-06 18:33:17

Samat777,менин колумдан келе турган иш болгондо Илимди айыл өкмөткө дагы койбойт болчумун

gulzat85

2019-03-06 17:49:32

Иии кудай.кыйратат эми

-5

Boha1

2019-03-06 17:53:13

Мен да муну тааныбайт экенмин

-3

altyn7776

2019-03-06 19:19:04

Банкир...бут эле Финкада иштеген экен. Акчага сатылган байкоочу кенеш журналистти апкелбей кайдагы процент менен иш кылган финкачылды апкелди. Мындан башка адам жок болсо олгон экенбиз анда

Dembele84

2019-03-06 20:51:18

Москвада Кыргызстандан келген аял жаны торолгон кызын 1млн рубльга сатам деп кармалыптыр дейт,тактап жазып койгулачы Супер сураныч...

Kroxa

2019-03-07 00:29:58

Причем тут Москван..КТРканын тагдыры чечилип жатканда .

Dembele84

2019-03-07 01:31:00

Kroxa,КТРКны урганым барбы,саясатташкан телевидениенди.Бул жакта кыргыз тууган камалып атса...

Комментарий калтыруу үчүн өз ысымыңыз менен кириңиз же каттоодон өтүңүз.