Экс-президент Аксар Акаевдин бир тууган агасы Болот Акаев 81 жашында каза болду. Бул тууралуу бүгүн, 4-августта Авиация тармагында иштегендердин профсоюздар комитетинин төрагасы Каныбек Калмурзаев SUPER.KG порталына билдирди.
Анын айтымында, Болот Акаев көп жылдар бою авиация тармагында иштеген.
“Болот Акаев 30-июль күнү инсульт болуп ооруканага түшкөн. Ошондон кийин эсине келе албай кечээ, 3-август күнү саат 16:00 чамасында үзүлдү. Маркумдун сөөгү эртең "Ала-Арча" көрүстөнүнө коюлат”,- деди Калмурзаев.
Болот Акаев - Кыргыз авиакызматкерлеринин профсоюзунун ардактуу төрагасы, Кыргыз ССРинин Жогорку Советинин грамотасынын ээси. Мындан тышкары ондогон сыйлыктарга көрсөтүлгөн. 1970-жылы В.И.Лениндин 100 жылдыгына карата талыкпас эмгеги үчүн мааракелик медалга татыктуу болгон. 1972-жылы Кыргыз ССРинин Коммунисттик партиясынын Ардак грамотасын алган.