Өмүрбек Текебаев соттон өз паспортун берүүсүн талап кылды

Бүгүн,12-июлда Бишкек шаарынын Биринчи Май райондук сотунда "Ата Мекен" фракциясынын лидери, депутат Өмүрбек Текебаев менен экс-министр Дүйшөнкул Чотоновдун соттук ишин кароо уланууда. Сотто күбө катары мурдагы экономика министри Эмил Үмөталиев көрсөтмө берди.

"Мени күтүүсүз жерден суракка чакырды. Мага башында суракта мааниси түшүнүксүз суроолор берилип жатты. Аягында гана "Чотонов менен Москвага чогуу бир учакта учтуңуз беле?" деген суроо коюлду. Мен ошондо гана сөздүн төркүнү кайда экенин түшүндүм. Кийинчерээк Маевскийдин видеосун теледен көрдүм. Ошол маалда Текебаевди камакка алышты. Чотонов боюнча айтсам, аны менен Москвага учкан эмесмин. Болгону кээде каттамдарда дал келүүчүлүктөр болуп калышы мүмкүн. Министр болуп турганда Москвага жумуш боюнча бир жолу баргам. Ошол каттам Чотонов менен дал келип калса керек. Экөөбүз бир максат же жумуш менен эч качан чет өлкөгө бирге учкан эмеспиз", - деди.

Ал эми жактоочусу соттон Текебаевдин паспортун берүүсүн өтүндү.

"Өмүрбек Текебаев президенттикке талапкерлигин коюп жаткандыгына байланыштуу анын жарандык паспортун үй-бүлөсүнө берүүңүздү өтүнөбүз. Тергөө маалында тергөөчүлөр Текебаевдин дипломатиялык жана ID паспортун алган. Анын эки паспорту тең өздүк документ болгондуктан, ID паспортун берүүңүздү өтүнөбүз", - деди жактоочу.

Бул өтүнүчкө мамлекеттик айыптоочулар каршы болгондуктан судья өтүнүчтү четке какты.

Айыпталуучу Текебаев болсо "Мен өздүк паспортумду берүүңөрдү талап кылам. Силер чечим чыгарууда өзүм билемдикке өтүп калдыңар. Дагы бир жолу айтам, өзүм билем дегендерден экөөнү көргөм, учурда алар качып жүрөт. Менин паспортумду бергиле, экинчи паспортум силерде турат" деп судьяга ачууланды.

Мамлекеттик айыптоочулар күбөлөр келбей жаткандыгына байланыштуу айыпталуучулардын көрсөтмөсүнө өтө берели деген өтүнүч келтирди. Бирок айыпталуучу тарап ага каршы болушту. Судья 14:00гө чейин тыныгуу жарыялады.

Автор: Илязбек Балташев
Фото: Илязбек Балташев

11:40 12-07-2017

Жазылуу

Тектеш кабарлар:

Депутат Өмүрбек Текебаев түзөтүү абагына которулду

Өмүрбек Текебаевдин адвокаттары сотту чакыртып алуу маселесин көтөрүштү

Сот "Мегакомдун" абакта жаткан мурдагы жетекчисинен көрсөтмө алуу боюнча өтүнүчтү четке какты

Маевский Текебаевге жолуктум деген 2010-жылдын 21-декабрында Текебаев ишке чыкпаганын экс-депутат Асия Сасыкбаева да айтты

Өмүрбек Текебаев 2010-жылы 13-майда кайда жана эмне менен алек болгонун айтты

Жактоочулар сот Текебаев менен Чотоновду ачка калтырганын айтышты

Текебаев менен Чотоновдун соту күбөлөр келбегендиктен 11-июлда уланмай болду

Текебаевдин иши каралган соттук отурумга катышкан мамлекеттик жактоочунун лицензиясы токтотулду

Текебаев менен Чотоновдун иши боюнча соттук отурум башталды. Текебаевдин 1 тарапташын тосмодон өткөрбөй коюшту

Жанар Акаев: "Биз, жаш муун Текебаевдин камалышына тиешелүү адамдарды жоопко тартышыбыз керек"

РУБРИКАДАГЫ СОҢКУ КАБАРЛАР

12:47 2025-05-02 | Кылмыштар, кырсыктар

Бишкектин борборунда оюн-зоок унаа менен самокатчан жигит сүзүштү (фото) 106 0

12:01 2025-05-02 | Коом жана турмуш

Бишкекте түнкүсүн уйку бербеген мотоцикл, мопеддер айып короого токтотулуп жатат (видео) 187 0

11:24 2025-05-02 | Түркүн дүйнө

Израиль Дамасктагы президенттик сарайдын жанына сокку урду 575 0

10:57 2025-05-02 | Коом жана турмуш

АКШ депортациялаган 20 кыргызстандык жаран өлкөгө кайтып келди 631 0

10:34 2025-05-02 | Түркүн дүйнө

"Өлүм көп болсун дегем". "Крокустагы" терактка шектүүлөрдүн бири дагы бир кылмышын айтты 1815 0

10:13 2025-05-02 | Коом жана турмуш

СМА менен ооруган Аймээримге акча чогултуу үчүн кайрымдуулук концерти өтөт 787 0

Архив

Комментарийлер (7)

TIMON_BERKOWITZ

2017-07-12 11:59:03

Прокурор эмне десе ошону кылып калыптыр бул сот. Аягы жакшы менен бүтпөйт.

tilek121277

2017-07-12 12:14:44

Балык башынан сасыйт

tynara81

2017-07-12 12:42:42

Кайсы мыйзамга таянып, паспортумду бербей жатасыңар десе, судья өзүм билем дептир го... Законуңарды урганым жок дегениби

fora

2017-07-12 13:59:11

Бул бийликтин да жооп беретурган куну келет аз калды

Suzak12

2017-07-12 14:32:46

Текебаев созсуз чыгат эмнегедир ушулардын соту турктордун карадайы киносуна окшоп баратат

-1

jbolotov

2017-07-12 20:29:24

Жогорку Кенештин мыйзамды тузгон адамдары ушундай коз коруноо мыйзамсыздыкка кабылып атса жонокой элдин акыбалын айтбаш керек. Илгеерки каракчылык баатырдык заманда жашап аткандайбыз.Келме кезек дегендей Текебаевда убагында закондорду уруп ойнобой журду эле бирок.

-1

taku1414

2017-07-13 08:51:53

сот паспортун берсем Текебаев президент болуп калат деп коркуп атат.

Комментарий калтыруу үчүн өз ысымыңыз менен кириңиз же каттоодон өтүңүз.