Жактоочулар сот Текебаев менен Чотоновду ачка калтырганын айтышты

Бүгүн, 11-августта Жогорку Кеңештеги “Ата Мекен” фракциясынын лидери Өмүрбек Текебаевдин жана мурдагы элчи Дүйшөнкул Чотоновдун үстүнөн козголгон кылмыш иши боюнча соттук отурумунда жактоочулар жумуш убактысы бүткөнүнө байланыштуу жараянды токтотууну талап кылышты. Бирок сот жарыш сөз бүтүшүн күтөрүн жана отурумду жаппай турганын айтып, жактоочулардын талабын аткаруудан баш тартты.

Жактоочу Искен Афиджанов: “Бул кыйноо, кечээ булар соттон кеч барып кечки тамакты да ичпей калышкан. Бүгүн жумуш убактысы бүттү. Сиздин ушул аракетиңизден бул иш саясий процесс экенин көрүп жатабыз”, - деп сотко кайрылды.

Башка жактоочу Канат Хасанов Эмгек кодексине ылайык сот процессине катышып жаткан бардык тараптардын укугун тебелеп жатканын айтты. “Сиз бул жерде бардык тараптын укуктарын бузуп жатасыз, жоокерлер залдагы адамдардын баары жумуш убактысынан тышкары бул жерде отурууга аргасыз болуп жатат. Эмгек кодексине ылайык, жумуш убактысы саат 18:00дө бүтөт”, - деди Хасанов.

Жактоочу Чынара Жакупбекова Текебаев саат 18:00дө дары-дармек ичиши керектигин айтып, дарылар тергөө абагында калганын белгиледи. Мындан улам ал сотту токтотуу керектигин айтты.

Бир канча талаш-тартыштан кийин сот бир саат тыныгуу жарыялап айыпталуучу Чотонов менен Текебаевге кечки тамакка барып келүүсүнө убакыт берди. Соттук отурум кечки саат 19:30да уланмай болду.

Эскерте кетсек, 2017-жылдын 25-февралында Кыргыз Республикасынын Башкы прокуратурасы тарабынан "Ата Мекен" фракциясынын лидери Өмүрбек Текебаевге "коррупция" жана "алдамчылык" беренелери боюнча кылмыш иши козголуп, ошол эле күнү УКМКнын Тергөө башкармалыгына өткөрүлүп берилген. 26-февралда козголгон кылмыш ишинин алкагында Текебаев менен Чотонов камалган.

Башкы көзөмөл органдын маалыматы боюнча аларга орусиялык ишкер Леонид Маевскийдин арызынын негизинде иш козголгон. Маевский өз арызында Текебаев "Мегаком" иши боюнча 1 миллион доллар алып, аны кайтарбай койгонун айткан.

Прокурор соттон Өмүрбек Текебаевди 10 жылга, Дүйшөнкул Чотоновду 8 жылга эркинен ажыратууну сураган.

Автор: Мунарбек Жоргомов
Фото: Игорь Коваленко

19:07 11-08-2017

Жазылуу

Тектеш кабарлар:

Сотто Өмүрбек Текебаевдин өтүнүчү четке кагылды

Текебаевдин сотунда жарыш сөзгө мамлекеттик жактоочу катышат. Сот түштөн кийин уланат

Текебаев: "Мен өзүм каалаган учурда да 2010-жылы 13-майда Маевскийге 10 мүнөт убакыт таба алмак эмесмин"

Текебаевдин сотунда видео көрсөтүлүп жатканда электр жарыгы кайра өчтү

Текебаев, Чотонов соту: Тийиштүү күбөлөр келбегендигине байланыштуу соттук отурум түштөн кийинкиге жылдырылды (аудио)

Жактоочу: "Текебаев менен Чотоновдун ишинде көрсөтүлгөн 55 далилдин баары такталбаган, жалган дооматтар"

Чотонов сотто акыркы сөзүн айтты. Түштөн кийин Текебаевге акыркы сөз берилип, андан соң өкүм угузулат

Өмүрбек Текебаев сотто "Бекназаров менен Ташиевдин сүйлөшүүсү" делген аудио жазуу монтаж болушу мүмкүн экенин айтты

Текебаев: "Маевский менен 2 жолу жолуккам. Анын максаты Орусиядан колдоо табуу болчу"

Өмүрбек Текебаев жана Дүйшөнкул Чотоновдун иши боюнча Леонид Маевский көрсөтмө берди (аудио)

РУБРИКАДАГЫ СОҢКУ КАБАРЛАР

18:53 2025-05-02 | Түркүн дүйнө

АКШ армиясы Трамптын туулган күнүнө карата аскердик парадга даярдана баштады 782 0

18:08 2025-05-02 | Коом жана турмуш

Жеңиштин 80 жылдыгына карата өтүүчү парадга даярдыктар жүрүүдө (сүрөт) 695 0

17:46 2025-05-02 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 3486 0

17:30 2025-05-02 | Коом жана турмуш

Садыр Жапаров Ысык-Көлдөгү жейренди көбөйтүү долбоору менен таанышты (сүрөт) 908 0

17:14 2025-05-02 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 1684 0

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 568 0

Архив

Комментарийлер (4)

Azatbek83

2017-08-11 19:17:47

Эптеп септеп шашылып камап салайын деп жатканго.Акталсын эми.

muslim87

2017-08-11 19:27:39

Бул кетиште ак экенин далилдеп турса да сот 10 жыл же 8 жылды бергени калды көрүнөт. Буйрукту бир кынтыксыз аткарып атканы көрүнүп турат.

isabek1977

2017-08-11 19:30:46

Бир жолу ачкачылык жарыялап таштасын.

-1

nurbekasr

2017-08-12 02:04:43

Атамбаев да кетет быйыл буюрса,эмнеге дегенде 61 жашка чыкты быйыл.Карагыла Акаев 61 жашынде кетти президенттиктен.Бакиев кетти 61 жашында,Роза Исаковна кетти 61 жашында.Эми Алмазбек брат кетиш керек каалаган жагына.Эгерде Сооронбай Жээнбеков президент болсо 2019 жылы кетет экен.Себеби 2019 61 жашка чыгат.2 жыл эле иштеп кайыйт окшойт анда Сокебиз да.

-1

Комментарий калтыруу үчүн өз ысымыңыз менен кириңиз же каттоодон өтүңүз.