Назирбек Бөрүбаев Өкмөттүн чек ара маселелери боюнча атайын өкүлү болуп дайындалды

Назирбек Бөрүбаев Кыргыз Республикасынын Өкмөтүнүн Аппарат жетекчисинин биринчи орун басары рангындагы Кыргыз Республикасынын Өкмөтүнүн чек ара маселелери боюнча атайын өкүлү болуп дайындалды. Тиешелүү буйрукка премьер-министр Мухаммедкалый Абылгазиев кол койду.

Назирбек Бөрүбаев тууралуу маалымат:

Билими - жогорку, Ташкенттеги ТИИИМСХ институтун инженер-жер пландоо адистиги боюнча аяктаган;

1969-жылы Лейлек районунун «Кара-Суу» сегиз жылдык мектебинде башталгыч класстын мугалими;

1975-1984-жылдары «Кыргызгипрозем» институтунун Оштогу филиалында инженер, партиянын башчысы;

1984-1986-жылдары Лейлек райондук айыл чарба башкармалыгында башкы инженер-жер пландоочу;

1986-1989-жылдары Лейлек райондук элдик көзөмөл комитетинде инспектор;

1990-жылы партиянын Лейлек райондук комитетинде инструктор;

1992-жылга чейин Лейлек районунун Лейлек айылдык кеңешинин төрагасы;

1992-1994-жылдары Лейлек районунун «Кара-Суу» айыл чарба кооперативинин төрагасы;

1994-1996-жылдары Лейлек райондук агрардык реформа боюнча борборунда башкы адис;

1996-1999-жылдары Лейлек районундагы Лейлек айыл өкмөтүнүн башчысы;

1999-2000-жылдары Лейлек райондук мамлекеттик каттоо башкармалыгында башкы адис;

2000-2011-жылдары Баткен облустук кыймылсыз мүлк жана жер ресурстары боюнча борбордун директору;

2011-2013-жылдары «Кыргызмамжердолбоорлоо» мамлекеттик долбоорлоо институтунун түштүк аймактык бөлүмүндө башкы адис;

2013-2020-жылдары «Кыргызмамжердолбоорлоо» мамлекеттик долбоорлоо институтунда мамлекеттик чек араны делимитациялоо жана демаркациялоо боюнча түштүк аймактык бөлүмүнүн башчысы.

Автор: Гүлжамал Абылкасымова