Чек ара чырында күйгөн үй кандай курулуп жатканын сүрөттөрдөн көрүңүз

Чек ара чырында өрттөлгөн турак үй курулуп жатат. Бул тууралуу өкмөттүн Баткен облусундагы ыйгарым укуктуу өкүлүнүн басма сөз кызматынан кабарлашып, абалды чагылдырган сүрөттөр менен бөлүштү.

"8-майда Кыргыз-Тажик чек арасында орун алган чыр-чатактын кесепетинен толугу менен өрттөлгөн турак үйдүн курулушу жүрүп жатат. Бүгүнкү күндө курулушка мамлекет тарабынан жетиштүү акча каражаты бөлүнгөн.

Буга чейин ыйгарым укуктуу өкүл Алишер Абдрахманов үйсүз калган үй-бүлөнүн муктаждыгын кечиктирбей чечүү максатында, тергөө иштеринин жыйынтыгын күтпөй, курулушту баштоо, турак үйдү күз айларына бүткөрүү боюнча Баткен районунун жетекчилигине тапшырма берген", - деп айтылат маалыматта.

Турак үйдүн өрттөлүшү боюнча Кыргыз өлкөсү менен Тажикстандын Баткен-Согди облустарынын тийиштүү укук коргоо органдары тергөө иштерин жүргүзүүдө. Тергөөнүн жыйынтыгы менен күнөөлүүлөр аныкталып, чыгымдын орду толтурулат.

Эске салсак, 8-майда Баткен районунун Көк-Таш айылында кыргыздар менен тажиктердин ортосунда чыр чыккан. Жергиликтүү тургундардын жана расмий бийликтин билдиришинче, чыр жер тилкесин талашуудан чыккан жана аныгында талашка түшкөн жер тилкеси кыргыздарга тиешелүү болгон. Тажик тарап чыр-чатак учурунда чек араны чок ортосунда жайгашкан кыргыз тарапка тиешелүү үйдү да өрттөп жиберишкен. Жер тилкеси үчүн 30-40ка чукул кыргыздар менен 30-40тай тажиктер бири-бирине таш ыргытышып, уруш учурунда ок дагы атылган.

Ок атышуунун кесепетинен Чек ара кызматынын 3 аскери жана 1 тургун жаракат алган. Ал 3 аскер кызматкери Бишкекке алып келинген. Чек ара чырында ок тийип жаракат алган С.уулу М. аттуу аскердин абалы оор экени айтылган.

Ал эми окуя боюнча эки өлкө тең бири-бирин күнөөлөп жатышат. Буга чейин Кыргыз өлкөсү чек арадагы чыр боюнча Тажикстанга каршылык билдирүү нотасын жөнөткөн. Тажикстан нотага жооп берген.

Автор: Гүлшат Ысамамат кызы

17:53 28-05-2020

Жазылуу

Тектеш кабарлар:

Чек ара кызматы: "Кыргыз-Тажик чек арасындагы ок атуудан чек арачы каза болду"

Кыргыз-Тажик чек арасында жарадар болгондордун бири Лейлек аймактык ооруканасында комада, абалы оор

Кыргыз-Тажик чек арасын тактоо боюнча сүйлөшүүлөрдүн жанданышы күтүлөт

"Тамтыгы калбай күйүп кеткен". Чек ара чырында үйүнөн ажыраган жарандар башка жакта баш калкалап жатышат (сүрөт, видео)

Чоң-Алай аймагындагы Кыргыз-Тажик чек ара тилкесине эки тараптын тең жарандары кирбей турган болду

Чек арадагы атышуудан дагы эки жаран каза болду. Курман болгондордун жалпы саны 33кө жетти

Эл өкүлү: "Тажик айылдарын аралап барган окуучулар үчүн өз айылдарына мектеп куруу керек"

"Өзүбүздүкүлөр өзүбүздү атып жатат" деген видео боюнча Баткен ОИИБи комментарий берди

5-майга карата Кыргыз-Тажик чек арасында абал туруктуу

"Өзүбүздүкүлөр өзүбүздү атып жатат". Кыргыз-Тажик чек арасындагы окуя кандай өнүгүп жатат

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 2184 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 224 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1195 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2862 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1188 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1158 0

Архив

Комментарийлер (8)

Aimani

2020-05-28 18:12:44

Чыгымды тажиктер төлөш керек. Тергөө бүткөндө алар мойнуна албай коюшса эмне болот. Кайра өрттөп жиберсечи

+20

kyrgyzka7

2020-05-28 18:35:13

Ийгилик,

+10

stal.ks

2020-05-28 20:44:41

Ошол жерге уйлорду кобойтуш керек, копчулук жашаса тажиктерда тийише албай калат.

+11

ika8086

2020-05-28 21:31:38

Жазасын алат тегеренип баштарына мынданда жаман кун келет тажиктердин ахывалына маймылдар ыйлайт,уйду орттогондун омур бою журогу орттонсун.

+18

Alixan-Nookat.2015

2020-05-29 00:33:53

Бийликтин каражат бөлгөнүн көрбөптүрмүн

bekbol2006

2020-05-29 03:00:57

Тынар менен Ташиев жардам берди

mederkg

2020-05-29 16:31:28

Чек арада жашап ар кошуналарданок жеп азаптанып жаткандардын убалы биздин 120 барандар менен өлүктөн айрымасы жок өтурган.жер сатар эл сатар ларга тийсин убалы .шакалдар элдин акчасына сүткө тойгон торпоко окшоп жатышат

aiza.kyrgyzkyz

2020-05-31 02:16:52

Ташиев менен Тынар бул демилгени которгондо каякта журду эле окмот менен Алишер Абдрахманов? Жок дегенде эээн алдына кошуп койсонор болмок Ташиев менен Тынарды!!! Таяр аштын жечуусу коп болуптур да!!! Неси болсо да уйун бутуруп бергиле,анан мактана бергиле силерди уккан адам деле жок озу!!!

Комментарий калтыруу үчүн өз ысымыңыз менен кириңиз же каттоодон өтүңүз.