ЖЫЛНААМА, 29-АВГУСТ: "Кышкы соната" сериалына тартылып, бүт Азияга таанылган түштүк кореялык актёр Пэ Ён Жун 44 жашка толду

Түгөйлөрдүн чогуу түшкөн сүрөттөрүнүн бири

"Кышкы соната" сериалында Кан Жун Сандын ролунда

Бүгүн, 29-августта "Кышкы соната" сериалына тартылып, экранга чыккандан кийин бүт Азияга таанылып, атак-даңкка бөлөнгөн түштүк кореялык актёр Пэ Ён Жун 44 жашка толду. Ал Сеул шаарында туулган. Сонгюнгван университетинин сүрөт искусствосу факультетин бүтүргөн.

Пэ Ён Жун тасмадагы дебютун 1994-жылы баштап, 1999-жылга чейин түрдүү сериалдарга тартылган. Бирок окуусуна байланыштуу убактылуу кино чөйрөсүнөн четтеген. 2002-жылы “Кышкы соната” сериалына тартылып, бүткүл дүйнөгө белгилүү болуп чыга келет. Аталган тасмадагы Кан Жун Сандын ролу аны "Корея толкунунун" башкы фигурасына айланткан. Пэ Ён Жун "Жаңжал", "Ата", "Жупуну жаштык", "Алгачкы махабат" жана башка тасмаларда роль жараткан.

Кыздардын сүйүктүү актёру Пэ Ён Жун 2015-жылдын 27-июлунда сүйүктүүсү модель, актриса Пак Су Чжинге баш кошкон. Атактуулардын үйлөнүү тою жакын туугандарынын, санаалаштарынын гана курчоосунда өткөн. Бүткүл дүйнөгө белгилүү жылдыздын үлпөт тоюна жадакалса журналисттер да кире алышкан эмес. Алар алыстан гана тойду тартып алууга аргасыз болушкан.

29-августтун жылнаамасы.

Автор: Турсунай Алымкулова