Орусияда "Мигрант" рейди 25-декабрга чейин уланат. Өткөн жумада кармалган мигранттардын саны 92ге жеткен

Орусияда "Мигрант" рейди 25-декабрга чейин уланат. Бул тууралуу Орусиядагы Кыргыз Республикасынын элчилигинин басма сөз катчысы Гүлбарчын Байымбетова SUPER.KG порталына бүгүн, 12-декабрда билдирди.

Москва шаарынын мэри Сергей Собянин Кыргыз өлкөсүнөн барган мигранттар бийликтин көйгөйү экенин айткандан кийин элчилик Сергей Собяниндин билдирүүсүнө "абийирсиз жумуш берүүчүлөр кыргыз мигранттарын "мыйзамсыз" макамына ээ кылышууда" деген жооп кайтарган. Москва мэринин сөзүнөн көп өтпөй кыргыз мигранттары катуу кысымга кабылышканын Орусиядагы мекендештер айтышууда. Мындан улам Орусиядагы Кыргыз Республикасынын элчилигине кыргыз мигранттары арыз-муңун айтканы 9-декабрда чогулушкан. Чогулган жарандардын айрымдары полиция кызматкерлери тарабынан кармалып, коё берилгени маалым.

"Бул маселе боюнча жакын арада Орусиянын Ички иштер министрлигине караштуу Миграция боюнча башкы башкармалыктын жетекчилиги менен жолугушууну уюштуруу аракетин көрүп жатабыз. Азыр Москвада Кыргыз Республикасынын Миграция кызматынын өкүлчүлүгү иштеп баштады. Алар да жолугушууну көздөп жатышат", - деди Байымбетова.

Редакциябызга арыз-муңун айтып кайрылган Орусиядагы мекендештердин саны күндөн-күнгө өсүүдө. Кээ биринин жакындары учурда чет өлкөлүктөрдү убактылуу кармоочу атайын жайда (СУВСИГ) экенин билдиришкен.

"Бизге да мындай маселелер менен кайрылгандар абдан көп. Биз кат жазып кайрылганыбызда, "Мигрант" деген рейд жүрүп жатканын, 25-декабрда гана аяктаарын билдиришти. "Каттоодон өткөнбүз" деген жарандардын кээ биринин документтери жасалма болуп калат же эмгек келишим жок болуп калат. Бул жерде биздин мигранттар эмес, жумуш берүүчүлөр да күнөөлүү. Салыктан качып эмгек келишимин түзүшпөйт. Жарандарга өздөрүнүн укуктарын билип, эмгек келишими менен иштөөнү сунуштайбыз, алар "Андай жумушту кайдан табабыз?" дешет", - деди катчы.

Ошондой эле катчы документтери жайында болгон жарандар өз убагында бошотулуп жатканын кошумчалады. Орусиянын аймагында мыйзамсыз жүрүп, чет өлкөлүктөрдү убактылуу кармоочу атайын жайга түшкөн жарандар боюнча элчиликке ал жактагы кызматкерлер кат жазып, өз кезегинде элчиликтин кызматкерлери тиешелүү документтерин чогултуп, жарандарды Кыргыз өлкөсүнө жөнөтөт.

"Рейд дагы башка эрежелер чыгып, уланышы мүмкүн. Андыктан элчилик бул маселени чечүү тууралуу сүйлөшүүлөрдү жүргүзүп жатат", - деди Гүлбарчын Байымбетова.

Учурда Москвада кармалган мигранттар Сахарово айылындагы чет өлкөлүктөрдү убактылуу кармоочу атайын жайда. Өткөн жумада алардын саны 92ге жеткен. 45 жарандын документтери туура эмес, 47 мигранттын документтери жок.

Автор: Үмүт Абдраимова
Фото: Интернеттен алынды

16:55 12-12-2016

Жазылуу

РУБРИКАДАГЫ СОҢКУ КАБАРЛАР

20:47 2025-05-13 | Кылмыштар, кырсыктар

Ысык-Көлдө 18 жаштагы окуучу таежесинин үйүндө асынып алды 84 0

20:20 2025-05-13 | Коом жана турмуш

Ош шаарынын мэри Токторбаев орун басарларына жаңы унааларды тапшырды (видео) 368 0

20:03 2025-05-13 | Саясат

Депутат Сулайманов эки жетекчиден кызматтан кетер-кетпесин сурады (видео) 338 0

19:31 2025-05-13 | Коом жана турмуш

Ошто салынган эки деңгээлдүү көчө жарыктандырылды (видео) 463 0

19:18 2025-05-13 | Кылмыштар, кырсыктар

Ат-Башыда катуу шамал көп батирлүү үйдүн чатырын учуруп кетти 284 0

18:56 2025-05-13 | Саясат

Айбек Жунушалиев жетекчилерге бир катар тапшырмаларды берди 339 0

Архив

Комментарийлер (19)

ekaterinburg

2016-12-12 17:23:31

Мына,"Эки пил урушса,ортодо чоп уйпаланат"деген ушу да.

Maks_shop

2016-12-12 17:27:38

Лолудон баатыр чыкса элин чабат деген туура озу

chingizhan01

2016-12-12 17:34:56

АША ХХХ койду эле ошонун кесепети мигранттарга тийип атат.

tyrgon

2016-12-12 17:41:28

Эзбей суйлошпойбу эмгек келишими жок эле иштесин деп коркпой эле ХХХ алмак беле

admin_portal

2016-12-12 18:01:49

tyrgon, этика нормаларын сактаңыз!

-3

Manas230595

2016-12-12 17:52:59

Биздин чондордун айынан болуп жатат президент чон суйлоп койду россиянын авиа базасын чыгарабыз озубуздун кучко ишенебиз деп мына сага деп мигрантарды кыйнап атышат 1 милиондоп журобуз россияда бизди бизди да ойлоп койсо болот атамбаев

semo

2016-12-12 18:08:02

Орустардын базасы чыгып кетсе сырттан келген душмандарга буктурмадан таш кулатабызбы

+12

Ramzan1982

2016-12-12 23:25:20

semo,базаны манаска коюу максатыда деген политика

Nur1k

2016-12-12 19:06:02

Россия менен эчкайсы мамлекет жыргап кеткен эмес кайталай берип тилим тешилди. Даже оздоруно тууган калк украиндерди да ыйлатты! Европага ыкташыбыз керек! Европа десе оюнарга гейлер келет. ХХХ. Орустар онолгон эмес и онолбойт дагы билип алгыла! Булар менен эчким жыргап кетпейт булар бул дуйного келгенине нааразы калк.

-8

Zynk.kg

2016-12-12 20:38:02

Nur1k,100% кшулам созуно орустар ото улутчул калк.

-1

BekAmir

2016-12-12 23:23:21

Nur1k,туура айттын

spinkub

2016-12-13 01:14:58

Nur1k,сенин ХХХ европабы? Ким жыргап калды аларга кошулуп? Россиядагы мигрантар багып жатат! ХХХ суйлошойлу бекерчи!!

admin_portal

2016-12-13 10:44:43

spinkub, этика нормаларын сактаңыз!

Revolyutsiya

2016-12-13 02:38:29

Nur1k, сенин Европандын озунун баш оорусу озуно жетет. Айрыкча 2014-15те Европаны штурмалаган/Европага кирууну каалаган качкындар, мигранттардын айынан коптогон Батыш олколору чек араларын мигранттарга жаап, акыры Туркияга акча берип, качкындарды Туркияга кайтарууда Европан. Анан кыргыздар эле жетпей турду эле. Эгер АКШ менен Европа эшигин кыргыздарга ачса копчулук кыргыздар кетмек Россияда аз айлыкка иштегиче. Европа кыргыздарга эшигин ачпаса эл байкуш эмне кыла алмак?!!

baltabaev

2016-12-13 04:32:34

Nur1k,Жыргаганын билбейм бирок ырыскыбыз ушул
Жактан болуп жатат тууганым.Эгер тарыхты окусан
Билерсин оорустарды Тажик Озбек мамле-тери кууганда биз андай кылбай кайра жардам корсотконбуз.
Анан туугандары украина боюнча согуш маалында
чункурга украинецтерди тушуруп оорустарга комгуло дегенде олсок бирге олобуз дешкен
анда немецтер оорустарды тушуруп украинецттерге
комгуло дегенде комуп салышкан.Билип ал тууган

sultan89

2016-12-13 07:37:44

baltabaev,туура айтасын тарыхынды
бил алгач.
онугуунун ен туура жолу бул коррупцияны
жок кылсак жана коп окуп билимдуу болгон
гана онугуу болот.

Saribulak

2016-12-13 06:29:18

Nur1k, анан ким менен жыргайм деп жатасын? Сени орустардан башка ким кабыл алат? Ой жугуртуун туура эмес тууган.

nura.177

2016-12-12 19:07:46

Бизде дайыма суйлошулор журуп жатат деп алдап журо беришет же буларды бироо укса ,эл учун эч куйушпойт . Элчилик жыйынып кочуп кетсенер деле болот

Revolyutsiya

2016-12-13 02:43:58

Москвадагы кыргыз элчилигин орду тубу менен жоюп салыш керек. Лучше ал акчага Кыргызстанда завод-фабрика курса элге да, казынага да пайда. Элчилик болсо казынаны да тоноп, мындагы кыргыз мигранттарын да тоноп деги бир пайдалуу иш кылганы корунбойт. Мындан 2-3 ай мурун сайттарда атайын макала да жазылды эле, Москвада жуздон ашык кыргыз мигрант жаны курулуп жаткан метролордо иштеп 2-3 айлык маянасын ала албай жаткандары. Элчиликтен кымындай жардам болбоду ошолорго. Кыскасы жабыш керек!

Комментарий калтыруу үчүн өз ысымыңыз менен кириңиз же каттоодон өтүңүз.